LPG सिलेंडरनंतर आता पेट्रोल-डिझेल महागणार? तुमचा खिसा कापल्या जाणार? ती अपडेट वाचली का?

Petrol-Diesel Price: मध्य-पूर्वेतील युद्धाने सर्व जगाला वेठीस धरले आहे. महागाईने उच्चांक गाठला आहे. जगभरात वस्तू महागल्या आहेत. भारतात गॅस संकट उभे ठाकले आहे. LPG सिलेंडरच्या तुटवड्याने नागरीक हैराण झाले आहेत. जादा भाव देऊन अनेक जण गॅस सिलेंडर विकत घेत आहेत. तर सर्वसामान्यांना लांबच लांब रांगेत उभे राहून सिलेंडरची वाट पाहावी लागत आहे. मिळाला तर सणाचा गोडावा नाहीतर दुसर्‍या दिवशी पुन्हा रांगेत अशी त्यांची अवस्था आहे. त्यातच गॅस सिलेंडर पाठोपाठ पेट्रोल-डिझेलच्या किंमतीही वाढणार का? अशी चर्चा सुरू झाली आहे. त्यामागे कच्चा तेलाच्या किंमतीत वाढ झाल्याची बातमी आहे. सध्या कच्चा तेलाच्या किंमती 119 डॉलर प्रति बॅरलवर पोहचल्याने तेल कंपन्यांचे टेन्शन वाढले आहे.

एकाच महिन्यात वर्षभराची उसळी

आकड्यांवर नजर टाकली तर बाजाराची भीती स्पष्ट होईल. सध्या अमेरिकन बेंचमार्क WTI क्रूडची किंमत जवळपास 94.99 डॉलर प्रति बॅरलच्या जवळपास आहे. ब्रेंट क्रूड 102.65 डॉलरच्या स्तरावर आहे. रोजच्या किंमतीत थोडाफार चढउतार दिसून येत आहे. पण युद्ध सुरू झाल्यापासून कच्चा तेलाच्या किंमती 65 ते 75 डॉलरदरम्यान होत्या. आज या किंमती 100 डॉलरच्या पुढे पोहचल्या आहेत. सर्वात धक्कादायक बाब म्हणजे एका वर्षात होणारी वाढ अवघ्या एका महिन्यात झाली आहे. कच्चा तेल्याच्या किंमतीत 43 टक्क्यांहून अधिकची उसळी दिसून आली.एका वर्षात इतकी वाढ अपेक्षित मानली जाते.

पुरवठा साखळीवर सर्वात मोठा परिणाम

पश्चिम आशियात सध्या मोठा संघर्ष सुरू आहे. हा भागच जगाचा इंधन पुरवठ्याचे केंद्र आहे. जेव्हापासून या भागात तणाव वाढला आहे. तेव्हापासून जागतिक इंधन पुरवठा साखळीवर मोठा परिणाम झाल्याचे मानले जात आहे. जागतिक पुरवठा साखळी विस्कळीत झाल्याचे मानले जात आहे. युद्धामुळे मालवाहू जहाजांना मोठा धोखा निर्माण झाला आहे. याशिवाय अनेक देशांचे छुप्या हेतूमुळे इंधनाच्या किंमतींना उकळी फुटली आहे. हे एक भूराजकीय वादळ आहे. त्यात भारतासह चीन,रशिया आणि ब्रिक्स देशांना टार्गेट करण्यात येत आहे.

तुमच्या खिशाला झळ बसणार?

जेव्हा जागतिक बाजारात कच्चे तेल महाग होते, तेव्हा त्याचा फटका ग्राहकांना बसतो. त्याचा थेट परिणाम पेट्रोल आणि डिझेलच्या किंमतींवर होतो. इंधन महाग होते. अगोदरच एलपीजी सिलेंडरच्या किंमतीत 60 रुपयांची वाढ झाली आहे. त्यात एलपीजी सिलेंडर मिळत नसल्याने नागरिकांचा संताप होत आहे. आता पेट्रोल-डिझेल पण त्यांच्या खिशावर दरोडा घालणार का, अशी चर्चा होत आहे. डिझेल महागल्यास रोजच्या वापरातील वस्तू, भाजीपाला, फळं, किराणा आणि इतर वस्तू महाग होईल आणि सर्वांनाच त्याचा फटका सहन करावा लागेल.