Gold Price : सोने खरेदीदारांसाठी खूशखबर ! दोन दिवसानंतर दरात घसरण, जाणून घ्या आजचा लेटेस्ट दर

संग्रहित छायाचित्र.

नवी दिल्ली : गेले दोन दिवस सोन्याच्या भावात तेजी पहायला मिळाली, परंतु गुरुवारी यामध्ये घसरण झाल्याचे पहायला मिळाले. रुपयाच्या बळकटीमुळे राष्ट्रीय राजधानीत सोन्याचा भाव आज 93 रुपयांनी घसरून 46,283 रुपये प्रति 10 ग्रॅम आला. तथापि, चांदीमध्ये झळाळी दिसली. चांदीची किंमत 99 रुपयांनी वाढून, 66,789 रुपये प्रति किलो झाली, जी आधी 66,690 रुपये प्रति किलो होती. (After two days the gold rates fell, know the today’s latest rates)

काय म्हणाले तपन पटेल?

एचडीएफसी सिक्युरिटीजचे वरिष्ठ विश्लेषक (कमोडिटीज) तपन पटेल म्हणाले, कोमेक्स (न्यूयॉर्कस्थित कमोडिटी एक्सचेंज) मधील सोन्याच्या किंमती आणि कमकुवतपणा आणि रुपयाच्या बळकटीमुळे 24 कॅरेट सोन्याच्या किंमती दिल्लीत 93 रुपयांनी घसरल्या. गुरुवारी अमेरिकन डॉलरच्या तुलनेत भारतीय रुपया नऊ पैशांनी वाढून 74.18 वर आला. सोन्याच्या किंमती खाली आल्यामुळे गुंतवणूकदारांना चांगली संधी आहे. तसेच, जे दागिने खरेदी करतात त्यांच्यासाठी ही चांगली संधी आहे. बुधवारी सोन्याची किंमत 110 रुपयांनी महाग होत प्रति 10 ग्रॅम 46,396 रुपये झाली. मागील सत्रात सोन्याचा दर 46,286 रुपये प्रति 10 ग्रॅमवर बंद झाला.

आंतरराष्ट्रीय बाजारात सोन्याचा भाव प्रति औंस 1780 डॉलर आणि चांदीचा भाव 25.96 डॉलर प्रति औंस होता. मोतीलाल ओसवाल फायनान्शियल सर्व्हिसेसचे कमोडिटी रिसर्चचे उपाध्यक्ष नवनीत दमानी म्हणाले, अमेरिकेच्या उत्पन्न आणि डॉलरमधील अस्थिरतेदरम्यान सोन्याच्या किंमती श्रेणीतील मर्यादीत व्यापार करीत आहेत.

एका क्लिकमध्ये तपासा सोन्याची शुद्धता

जर तुम्हाला आता सोन्याची शुद्धता तपासून पाहायची असेल तर यासाठी ‘BIS Care app’ सरकारने सुरू केले आहे. याद्वारे, ग्राहक शुद्धतेची तपासणी करण्यासह यासंदर्भात काहीही करु शकतात. या अ‍ॅपमध्ये वस्तूंचा परवाना, नोंदणी आणि हॉलमार्क क्रमांक चुकीचा आढळल्यास ग्राहक त्याबद्दल त्वरित तक्रार करू शकतात. (After two days the gold rates fell, know the today’s latest rates)

इतर बातम्या

Katewadi Lockdown : पवारांच्या काटेवाडीत 14 दिवसांचा कडक लॉकडाऊन

NTPC Admit Card 2021: एनटीपीसीकडून सहायक अभियंता भरती परीक्षेचे प्रवेशपत्र जाहीर