CIBIL Score मुळं चक्क लग्न मोडलं; सिबिल स्कोअर म्हणजे काय रे भाऊ?
नुकतच मूर्तिजापूरमध्ये एक विचित्र प्रकार समोर आलं आहे. इथं लग्नाच्या शेवटच्या टप्प्यात पोहोचलेलं संभाषण केवळ नवरदेवाचा सिबिल स्कोअर कमी असल्यामुळं तुटलं. जाणून घेऊयात सिबिल स्कोर नेमका काय असतो?
नुकतच मूर्तिजापूरमध्ये एक विचित्र प्रकार समोर आलं आहे. इथं लग्नाच्या शेवटच्या टप्प्यात पोहोचलेलं संभाषण केवळ नवरदेवाचा सिबिल स्कोअर कमी असल्यामुळं तुटलं. सिबिल स्कोअर एक क्रेडिट स्कोअर आहे, जो आपला क्रेडिट इतिहास आणि कर्जाची परतफेड करण्याची क्षमता दर्शवितो. जेव्हा जेव्हा बँका आणि इतर वित्तीय संस्था आपल्याला कर्ज किंवा क्रेडिट कार्ड देण्याचा विचार करतात, तेव्हा ते सर्वप्रथम आपला सिबिल स्कोअर तपासतात.
खराब सिबिल स्कोअरची कारणे कोणती?
क्रेडिट कार्ड किंवा कर्जाची परतफेड
क्रेडिट कार्ड किंवा कर्जाची परतफेड वेळेवर न केल्यास क्रेडिट कार्ड किंवा कर्जाचा ईएमआय वेळेत न भरल्यास त्याचा तुमच्या क्रेडिट रिपोर्टवर नकारात्मक परिणाम होऊ शकतो आणि तुमचा सिबिल स्कोअर कमी होऊ शकतो.
उच्च क्रेडिट लिमिट (हाय सीयूआर) वापरणे
तुम्ही तुमच्या क्रेडिट कार्ड मर्यादेच्या 30 टक्क्यांपेक्षा जास्त वापरत असाल तर त्याचा परिणाम आपल्या सिबिल स्कोअरवर होऊ शकतो. क्रेडिट युटिलायझेशन रेशो i.e. CUR म्हणजे तुम्ही तुमच्या क्रेडिट कार्डच्या क्रेडिट लिमिटच्या एका महिन्यात किती वापरता.
कर्ज किंवा क्रेडिट कार्डसाठी वारंवार अर्ज करणे
जर तुम्ही वारंवार कर्ज किंवा क्रेडिट कार्डसाठी अर्ज केला तर बँक किंवा वित्तीय संस्था तुमचा क्रेडिट रिपोर्ट तपासते, ज्याला हार्ड इन्क्वायरी म्हणतात. वारंवार चौकशी केल्याने आपला स्कोअर कमी होऊ शकतो.
कर्ज खात्यावर डिफॉल्ट करणे
जर तुम्ही कर्ज घेतले असेल आणि ते वेळेत फेडू शकत नसाल किंवा डिफॉल्ट केले असेल तर त्याचा थेट परिणाम तुमच्या सिबिल स्कोअरवर होतो.
खराब क्रेडिट मिक्स
आपल्या क्रेडिट रिपोर्टवर फक्त एकाच प्रकारचे क्रेडिट (जसे की क्रेडिट कार्ड) असेल आणि कधीही पर्सनल लोन, होम लोन किंवा ऑटो लोन घेतले नसेल तर त्याचा परिणाम आपल्या स्कोअरवर देखील होऊ शकतो.
जुन्या क्रेडिट हिस्ट्री काढून टाकणे
तुम्ही जुने क्रेडिट खाते बंद केले असेल तर यामुळे आपला क्रेडिट इतिहास लहान होतो, ज्याचा परिणाम आपल्या सिबिल स्कोअरवर होऊ शकतो.
खोटी किंवा वादग्रस्त माहिती
जर आपल्या क्रेडिट रिपोर्टमध्ये एखादी चूक किंवा चुकीची माहिती नोंदवली गेली असेल तर त्याचा परिणाम आपल्या सिबिल स्कोअरवर होऊ शकतो.
सिबिल स्कोअर सुधारण्याचे मार्ग
कर्ज आणि क्रेडिट कार्डचे हप्ते वेळेत भरा.
क्रेडिट कार्डच्या मर्यादेच्या 30 टक्के पेक्षा जास्त वापरू नका.
कर्जासाठी वारंवार अर्ज करणे टाळा.
आपला क्रेडिट रिपोर्ट वेळोवेळी तपासा आणि कोणत्याही चुका दुरुस्त करा.
हेल्दी क्रेडिट मिक्स ठेवा म्हणजेच सुरक्षित आणि असुरक्षित अशा दोन्ही कर्जांचा समतोल ठेवा.
