Elon Musk पुन्हा श्रीमंतांच्या यादीत आघाडीवर; Mark Zuckerberg ला टाकले मागे
Elon Musk World Richest : Mark Zuckerberg यांच्या संपत्तीत गेल्या काही दिवसांपासून मोठी घसरण झाली आहे. 18 अब्ज डॉलरचा फटका, मेटाचा स्टॉक घसरल्याने बसला आहे. ब्लूमबर्ग बिलिनिअर्स इंडेक्सनुसार, आता एलॉन मस्क यांनी श्रीमंतांच्या यादीत् आघाडी घेतली आहे.
गेल्या काही दिवसांपासून जागतिक अब्जाधीश आणि टेस्ला प्रमुख एलॉन मस्क यांच्या संपत्तीत मोठी घसरण झाली आहे. टेस्लाच्या शेअरमध्ये घसरणीचा त्याला मोठा फटक बसला. त्यामुळे तो जागतिक श्रीमंतांच्या यादीत दूर फेकला गेला. आता त्याच्यासाठी एक आनंदवर्ता धडकली आहे. त्याचा प्रतिस्पर्धी मेटाचा प्रमुख मार्क झुकरबर्ग याला मोठा फटका बसला आहे. मेटाचा शेअर घसरल्याने मार्क झुकरबर्गच्या संपत्तीत मोठी घसरण झाली. त्याला 18 अब्ज डॉलरचा फटका बसला. या अपडेटमुळे एलॉन मस्क श्रीमंतांच्या यादीत तिसऱ्या स्थानावर आला आहे. ब्लूमबर्ग बिलिनिअर्स इंडेक्समध्ये त्याने आघाडी घेतली आहे.
मेटाचा शेअर 11 टक्के घसरला
फेसबुकची मूळ कंपनी Meta चा शेअर गुरुवारी बाजारात 11 ट्क्क्यांनी घसरला. दुसऱ्या तिमाहीत कंपनीची विक्री कमी झाल्याचे समोर येताच शेअरने निच्चांकाकडे धाव घेतली. Bloomberg Billionaires Index नुसार, या पडझडीमुळे झुकरबर्गच्या संपत्तीत एकाच दिवसात मोठी घसरण झाली. त्याचा त्याला फटका बसला तर श्रीमंतांच्या यादीत समोर येण्यास एलॉन मस्क याला बळ मिळाले.
टेस्लाची घौडदौड
गेल्या काही दिवसांपासून टेस्लाचा शेअर बाजारात फिक्का पडला होता. त्याच्यावर घसरणीचे मळभ होते. पण टेस्ला कंपनीने नुकतेच तिमाही निकाल जाहीर केले. त्यानंतर कंपनीचा शेअर घौडदौड करत आहे. त्यामुळे मस्क याच्या संपत्तीत 5.8 दशलक्ष डॉलरची भर पडली. त्याच्याकडे एकूण 184 दशलक्ष डॉलरची संपत्ती झाली. टेस्लाचा शेअर बाजारात चांगली कामगिरी करत आहे.
गेल्या महिन्यात मस्क याला झुकरबर्गने टाकले होते मागे
दोन्ही दिग्गजांमध्ये श्रीमंतांच्या यादीत चढाओढ सुरु आहे. दोघांचे या काळात यादीतील स्थान बदलले होते. 2020 नंतर पहिल्यांदा मोठा उलटफेर होत, झुकरबर्गने मस्क याला श्रीमतांच्या यादीत मागे टाकले होते. टेस्लाच्या कार बाजारात न उतरल्याने, उशीरा बाजारात येत असल्याने त्याचा परिणाम टेस्लाच्या शेअरवर दिसून आला होता. तर गुरुवारी ऑक्टोबर 2022 नंतर मेटाचा शेअर सर्वाधिक आपटला. वॉल स्ट्रीटमधील गुंतवणूकदारांच्या अपेक्षावर हा कंपनी खरी न उतरल्याने हा फटका बसला. त्यामुळे झुकरबर्ग याच्या संपत्तीत कमाल घसरण दिसून आली.
