Today gold, silver prices : आज पुन्हा सोने स्वस्त; चांदीच्या दरातही घसरण, जाणून घ्या आपल्या शहरातील भाव

सोने-चांदीच्या दरात घसरण

Image Credit source: twitter

सोन्याच्या (gold) दरात घसरण सुरूच आहे. आज पुन्हा एकदा सोने स्वस्त झाले आहे. गेल्या 15 दिवसांपासून सोन्याच्या दरात (Today gold, silver prices) सातत्याने घसरण होत असल्याचे पहायला मिळत आहे. गुड रिटर्न्स वेबसाईटने दिलेल्या माहितीनुसार आज 24 कॅरट सोन्याचे दर 51243 रुपये प्रति तोळा असून, 22 कॅरट सोन्याचा दर 47127 रुपये एवढा आहे. तर चांदी दर प्रति तोळा 62358 रुपये एवढा आहे. सोन्या-चांदीचे (silver) दर हे दिवसातून दोनदा जाहीर करण्यात येतात. एक सकाळी सराफा बाजार सुरू झाल्यानंतर तर दुसऱ्यांदा सायंकाळी पाच वाजता. तसेच सोन्याचे दर हे सोने अधिक दागिने घडणावळीचा खर्च यावर अवलंबून असल्यामुळे सोन्याचे दर वेगवेगळ्या शहरात बदललेले दिसतात. सोन्याच्या दरात तफावर आढळून येते. भारतात एकीकडे सोन्याच्या मागणीमध्ये वाढ होत आहे. मात्र दुसरीकडे मागणी वाढत असताना देखील सोन्याच्या दरात घसरण सुरू आहे. तीन आठवड्यापूर्वी सोन्याचे दर 54 हजार प्रति तोळ्यावर पोहोचले होते. मात्र आता त्यात घसरण झाली असून, ते प्रति तोळा 51243 रुपयांपर्यंत खाली आले आहेत. सोन्याच्या दरात सातत्याने घसरण होत असल्याने गुंतवणूकदारांमध्ये चितेंचे वातावरण आहे. स्वस्त सोन्याचा गुंतवणुकीला फटका बसण्याची शक्यता आहे.

राज्याच्या प्रमुख शहरातील सोन्याचे दर

1. आज राजधानी मुंबईमध्ये 22 कॅरट सोन्याचा दर प्रति तोळा 47 हजार 400 रुपये एवढा आहे. तर 24 कॅरट सोन्याचा दर प्रति तोळा 51 हजार 700 रुपये एवढा आहे.
2. उपराजधानी नागपूरमध्ये 22 कॅरट सोन्याचा दर प्रति तोळा 47 हजार 480 रुपये असून, 24 कॅरट सोन्याचा दर प्रति तोळा 51 हजार 780 रुपये आहे.
3. पुण्यात 22 कॅरट सोन्याचा दर प्रति तोळा 47 हजार 480 रुपये तर 24 कॅरट सोन्याचा दर प्रति तोळा 51 हजार 780 आहे.
4. औरंगाबादमध्ये 22 आणि 24 कॅरट सोन्याचा दर प्रति तोळा 47 हजार 420 व 51 हजार 750 इतका आहे.
5. आज चंदीचा दर प्रति तोळा 62358 रुपये एवढा आहे.