Gold Price Today: हा ‘गोल्ड’न चान्स सोडू नका, सराफा बाजारात उलटफेर, 10 ग्रॅम सोनं फक्त..

Gold Rate Today in India: अमेरिका आणि इराण यांच्यात पुन्हा एकदा लष्करी कारवाया झाल्यामुळे पश्चिम आशियात तणाव वाढला आहे. या घडामोडींचा परिणाम जागतिक बाजारावर दिसून आला आहे. कच्च्या तेलाच्या किमती वाढल्याने गुंतवणूकदारांचा कल बदलला असून, त्याचा परिणाम सोन्या-चांदीच्या दरांवरही झाला आहे. त्यामुळे भारतात आज सलग दुसऱ्या दिवशी सोन्याच्या किमती कमी झाल्या आहेत. चांदीच्या दरातही आज घसरण झाली आहे. एक दिवस दर स्थिर राहिल्यानंतर राजधानी दिल्लीमध्ये सलग दुसऱ्या दिवशी सोन्याचे दर कमी झाले आहेत. गेल्या दोन दिवसांत 24 कॅरेटच्या 10 ग्रॅम सोन्याच्या किमतीत एकूण ₹1,430 ची घट झाली आहे. त्याचप्रमाणे 22 कॅरेटच्या 10 ग्रॅम सोन्याचा दर ₹1,310 ने कमी झाला आहे.

आजच्या व्यवहारात 24 कॅरेट आणि 22 कॅरेट या दोन्ही प्रकारच्या 10 ग्रॅम सोन्याच्या किमतीत आणखी ₹10 ची किरकोळ घट नोंदवली गेली आहे.

चांदीही स्वस्त

सोन्याप्रमाणेच चांदीच्या किमतीवरही दबाव दिसून आला आहे. भू-राजकीय तणावासोबतच उद्योगांकडून चांदीची मागणी काहीशी कमी झाल्याने तिच्या किमतीत घसरण झाली आहे. सलग दोन दिवस दर स्थिर राहिल्यानंतर आज 1 किलो चांदी ₹100 ने स्वस्त झाली आहे.

देशातील प्रमुख शहरातील सोन्याचे आजचे दर

आज देशातील 10 प्रमुख शहरांमध्ये 18 कॅरेट, 22 कॅरेट आणि 24 कॅरेट शुद्धतेच्या 10 ग्रॅम सोन्याच्या दरांमध्येही बदल झाला आहे. सोन्याची खरेदी करण्याचा विचार करत असाल, तर आपल्या शहरातील ताजे दर जाणून घेऊनच खरेदीचा निर्णय घेणे अधिक फायदेशीर ठरू शकते.

तज्ज्ञांच्या मते, आंतरराष्ट्रीय घडामोडी, डॉलरचा दर, कच्च्या तेलाच्या किमती आणि जागतिक बाजारातील मागणी-पुरवठा यांचा सोन्या-चांदीच्या किमतींवर थेट परिणाम होत असतो. त्यामुळे पुढील काही दिवसांतही या किमतींमध्ये चढ-उतार सुरू राहण्याची शक्यता आहे.

दोन दिवसानंतर चांदीही खाली घसरली

गेल्या काही दिवसांपासून चांदीच्या किमतीत मोठी अस्थिरता पाहायला मिळत आहे. आज दिल्लीमध्ये 1 किलो चांदीचा दर ₹2,34,900 इतका आहे. मुंबई आणि कोलकाता येथेही चांदी याच दराने विकली जात आहे. मात्र चेन्नईमध्ये चांदीचा दर ₹2,39,900 प्रति किलो असून, चार प्रमुख महानगरांमध्ये सर्वाधिक महाग चांदी चेन्नईमध्येच आहे.