Gold Rates Today : आली रे आली, सोन्याची गुड न्यूज आली ! खरेदीला जाण्यापूर्वी जाणून घ्या ताजे दर

Gold Rate Today In India : रुपयाची मजबूती आणि तेजीत असलेला शेअर बाजार यामुळे सोने आणि चांदीची चमक पुन्हा एकदा ओसरली आहे. विशेषतः सोन्याचा विचार करता, सलग तिसऱ्या दिवशी या पिवळ्या धातूची चमक फिकी पडली आहे. या तीन दिवसांत 24-कॅरेट सोन्याच्या दरात प्रति 10 ग्रॅम 440 रुपयांची घट झाली आहे, तर 22-कॅरेट सोने 410 रुपयांनी स्वस्त झालं आहे. यापूर्वी, 15 जून रोजी 24 कॅरेट सोन्याच्या 10 ग्रॅमच्या दरात 2450 रुपयांची, तर 2-कॅरेट सोन्याच्या दरात 2250 रुपयांची घट झाली होती. आज राजधानी दिल्लीत 24-कॅरेट सोन्याच्या 10 ग्रॅमच्या दरात 10 रुपयांची आणि 22-कॅरेट सोन्याच्या दरातही 10 रुपयांची घट झाली आहे. चांदीचा विचार करता, दोन दिवस स्थिर राहिल्यानंतर आज चांदीच्या दरातही सोन्याप्रमाणेच त घट झाली असून, प्रति किलो चांदीच्या दरात 100 रुपयांची कपात झाली आहे.

अमेरिका आणि इराण यांच्यात 19 जून रोजी जिनिव्हा येथे शांतता करारावर स्वाक्षरी होणार आहे आणि ही प्रक्रिया कशी पुढे जाते यावरच सोने-चांदीच्या किमतींची पुढील वाटचाल अवलंबून असेल. विश्लेषकांच्या मते, या दोन देशांमधील चर्चेत प्रगती झाल्यास भू-राजकीय तणाव निवळू शकतो, ज्यामुळे सोने आणि चांदीसारख्या ‘सुरक्षित गुंतवणूक’ मानल्या जाणाऱ्या पर्यायांची मागणी कमी होण्याची शक्यता आहे. याउलट, जर वाटाघाटींमध्ये अडथळे आले किंवा तणाव वाढला, तर गुंतवणूकदार पुन्हा एकदा सोने आणि चांदीकडे वळू शकतात.

देशातील प्रमुख शहरातील सोन्याचे दर

भारतातील प्रमुख शहरांममधील 24 कॅरेट, 22 कॅरेट आणि 18 कॅरेट शुद्धचा असलेल्या 10 ग्रॅम सोन्याची किंमत काय ते जाणून घेऊया…

चांदीही खाली घसरली

चांदीच्या बाबतीत सांगायचे तर, सलग दोन दिवस भाव स्थिर राहिल्यानंतर आज सोन्याप्रमाणेच चांदीच्या दरातही घट झाली आहे. यापूर्वी, 15 जून रोजी दोन दिवस भाव स्थिर राहिल्यानंतर चांदीच्या दरात प्रति किलो 5000 रुपयांची वाढ झाली होती. मात्र, आज दिल्लीत प्रति किलो दरात 100 रुपयांची घट होऊन चांदीचा दर 2,64,900 रुपयांवर पोहोचला आहे. इतर प्रमुख महानगरांबंद्दल बोलायचं झालं तर मुंबई आणि कोलकातामध्येही याची विक्री त्याच दराने होत आहे. मात्र, चेन्नईमध्ये एक किलो चांदीची किंमत 2,74, 900 रुपये इतकी आहे; म्हणजेच या चार महानगरांपैकी चेन्नईमध्ये चांदी सर्वात महाग आहे.