Gold Price Today : 1.50 लाखांच्या खाली आलं सोनं… ज्वेलरकडे धाव घेण्याआधी जाणून घ्या तुमच्या शहरातले भाव !

Gold Rate Today In India : या वर्षी व्याजदर वाढवण्याबाबत अमेरिकेच्या फेडरल रिझर्व्हने दिलेले संकेत आणि डॉलरचे बळकटीकरण यामुळे सोन्यासारख्या व्याज न मिळवून देणाऱ्या मालमत्तेचे आकर्षण काहीसे कमी झाल्याचे दिसून येत आहे. एका दिवस स्थिर राहिल्यानंतर, आज राजधानी दिल्लीत 24-कॅरेट आणि 22-कॅरेट सोन्याच्या (प्रति 10 ग्रॅम) दरात 10 रुपयांची घट झाली आहे. मात्र यामुळो सोन्याचे एकू दल हे 1.50 लाखांच्या खाली आले आहेत. स्थिरतेच्या या कालावधीपूर्वी, 20 जून रोजी 24-कॅरेट सोन्याच्या (10 ग्रॅम) दरात 220 रुपयांनी आणि 22-कॅरेट सोन्याच्या दरात 200 रुपयांनी वाढ झाली होती; मात्र, त्याआधीच्या चार दिवसांत 24 -कॅरेट सोने 5670 रुपयांनी आणि 22-कॅरेट सोने 5200 रुपयांनी स्वस्त झाले होते. चांदीचा विचार करता, दोन दिवस दर स्थिर राहिल्यानंतर आज त्यात घट झाली असून, प्रति किलो दरात 100 रुपयांची कपात झाली आहे.

देशातील प्रमुख शहरातील सोन्याचे भाव घ्या जाणून

आज देशातील 10 प्रमुख शहरातील 24, 22 आणि 18 कॅरेटच्या सोन्याचे दर किती ते जाणून घेऊया…

चांदीतही घसरण कायम

चांदीच्या बाबतीत सांगायचे तर, दोन दिवस भाव स्थिर राहिल्यानंतर आज त्यात घट झाली आहे. या दोन दिवसांच्या स्थिरतेपूर्वी, सलग दोन दिवसांत चांदीच्या दरात प्रति किलो 10,500 रुपयांची घसरण झाली होती. आज दिल्लीत चांदीच्या दरात प्रति किलो 100 रुपयांची घट झाली असून, त्यामुळे हा दर 2,49,900 रुपयांवर आला आहे. इतर प्रमुख महानगरांचा विचार करता, मुंबई आणि कोलकातामध्येही याची विक्री त्याच दराने होत आहे. मात्र, चेन्नईमध्ये एक किलो चांदीची किंमत 2,54,900 इतकी आहे; म्हणजेच या चार महानगरांपैकी चेन्नईमध्ये चांदी सर्वात महाग आहे.

या कारणांमुळे दबाव

एलकेपी सिक्युरिटीजचे उपाध्यक्ष (कमोडिटी आणि करन्सी रिसर्च विश्लेषक) जतिन त्रिवेदी यांच्या मते, 2026 मध्ये संभाव्य व्याजदर वाढीबाबत अमेरिकेच्या फेडरल रिझर्व्हने दिलेल्या संकेतांनंतर सोन्याच्या दरांवर दबाव वाढला आहे. यामुळे अमेरिकन डॉलर मजबूत झाला असून, सोन्यासारख्या व्याज न मिळवून देणाऱ्या मालमत्तांचे आकर्षण कमी झालं आहे.