Gold Silver Rate Today : सोने-चांदीचा ग्राहकांना ‘शॉक’! झरझर वाढले भाव

नवी दिल्ली | 15 डिसेंबर 2023 : सोने-चांदीने ग्राहकांना शॉक दिला. या आठवड्यात सोने-चांदीत मोठी पडझड झाली. सोन्यात जवळपास 3000 रुपयांची घसरण झाली आहे. तर चांदीची पण मोठी पिछेहाट झाली. सलग तीन दिवसांत भावात मोठी घसरण झाली. गुरुवारी मात्र सोने-चांदीचा नूर पालटला. मोठ्या पडझडीनंतर सोने-चांदीने युटर्न घेतला. दिवाळीपासून मौल्यवान धातूने मुसंडी मारली होती. दोन्ही धातूंनी मोठी झेप घेतली होती. गेल्या आठवड्यात या दरवाढीला ब्रेक लागला. या आठवड्यात तीन दिवस भावात (Gold Silver Price Today 15 December 2023) मोठी घसरण झाली. गुरुवारी सोने-चांदी चांगलेच चमकले. दोन्ही धातूंमध्ये इतकी वाढ झाली.

सोन्याचे कमबॅक

या आठवड्यात सोने 550 रुपयांनी स्वस्त झाले होते. गेल्या आठवड्यात पण मोठी घसरण झाली होती. पण गुरुवारी सोन्यात हजार रुपयांची उसळी आली. सोमवारी, 11 आणि 12 डिसेंबर रोजी सोन्याच्या किंमती प्रत्येकी 220 रुपयांनी घसरल्या. बुधवारी 13 डिसेंबर रोजी किंमती 100 रुपयांनी उतरल्या. 14 डिसेंबर रोजी सोन्यात 1 हजार रुपयांची वाढ झाली. गुडरिटर्न्सनुसार, आता 22 कॅरेट सोने 57,800 रुपये प्रति 10 ग्रॅम तर 24 कॅरेट सोन्याचा भाव 63,040 रुपये प्रति 10 ग्रॅम आहे.

चांदी 2500 रुपयांची दरवाढ

या आठवड्यात चांदी एक हजार रुपयांनी स्वस्त झाली होती. गेल्या आठवड्यात चांदीत जवळपास 3500 रुपयांची घसरण झाली होती. गुरुवारी चांदीत 2500 रुपयांची उसळी आली. या आठवड्यात 11 डिसेंबर रोजी भाव 200 रुपयांनी कमी झाले. मंगळवारी किंमतीत 100 रुपयांची घसरण झाली. 13 डिसेंबर रोजी भाव 700 रुपयांनी उतरले होते. 14 डिसेंबर रोजी चांदीत 2500 रुपयांची वाढ झाली. गुडरिटर्न्सनुसार, एक किलो चांदीचा भाव 77,500 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 62,396 रुपये, 23 कॅरेट 62,146 रुपये, 22 कॅरेट सोने 57,155 रुपये झाले. 18 कॅरेट 46,797 रुपये, 14 कॅरेट सोने 36,502 रुपये प्रति 10 ग्रॅमवर पोहचले. एक किलो चांदीचा भाव 73,993 रुपये झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

किंमती मिस्ड कॉलवर

22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.