Gold Silver Rate Today 23 January 2025 : अरारा खतरनाक, कोण थोपवणार सोन्याचे तुफान, चांदीला ओहोटी, अशा झरझर वधारल्या किंमती

सोने-चांदीची किंमत काय?

अमेरिकेमधील सत्ताबदलाचा थेट परिणाम भारतीय सराफा बाजारावर दिसून आला. अनेक व्यावसायिक आणि उद्योग धोरणांना डोनाल्ड ट्रम्प सरकारने तडाखा दिला आहे. लाखो भारतीयांवर त्याचा थेट परिणाम दिसेल. तर सध्या सोन्याने मोठी घोडदौड आरंभली आहे. तर चांदी सुस्तावली आहे. या दोनच दिवसात सोन्याने हजार रुपयांची झेप घेतली आहे. तर चांदीला चार दिवसापासून सूर गवसलेला नाही. ऐन लग्नसराईत सोने महागल्याने वधू-वराकडील मंडळी धास्तावली आहेत. 18K, 22K, 24K सोन्याचा आणि एक किलो चांदीच्या आता अशा आहेत किंमती. (Gold Silver Price Today 23 January 2025 )

सोन्यामध्ये आले तुफान

मागील आठवड्याप्रमाणेच सोन्याने तडाखेबंद खेळी दाखवली. या सोमवारी सोने 120 रुपयांनी वधारले. एक दिवसाच्या ब्रेकनंतर काल सोने 860 रुपयांनी उसळले. गुडरिटर्न्सनुसार, आता 22 कॅरेट सोने 75,400 रुपये प्रति 10 ग्रॅम तर 24 कॅरेट सोन्याचा भाव 82,240 रुपये प्रति 10 ग्रॅम आहे.

चांदी सुस्तावली

मागील आठवड्यात चांदी चार हजार रुपयांनी महागली आणि 2 हजारांनी स्वस्त झाली होती. 18 जानेवारीपासून आतापर्यंत चार दिवसांत चांदीत कोणताही बदल दिसला नाही. गुडरिटर्न्सनुसार, एक किलो चांदीचा भाव 96,500 रुपये इतका आहे.

14 ते 24 कॅरेटचा भाव काय

आज सकाळच्या सत्रात इंडियन बुलियन्स अँड ज्वेलर्स असोसिएशननुसार (IBJA) 24 कॅरेट सोने 80,194, 23 कॅरेट 79,873, 22 कॅरेट सोने 73,458 रुपयांवर आहे. 18 कॅरेट आता 60,146 रुपये, 14 कॅरेट सोने 46,914 रुपये प्रति 10 ग्रॅमवर आहे. एक किलो चांदीचा भाव 91,248 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.