Share Market Boom: ट्रम्पकडून ती आनंदवार्ता…शेअर बाजाराचा भांगडा, युद्धाची भीती छुमंतर, घडलं तरी काय?
Stock Market Rally: अमेरिकेतून ती आनंदवार्ता धडकताच शेअर बाजारात मोठी उसळी दिसून आली. आखाती देशातील युद्धाची धग कायम असतानाही शेअर बाजाराने भांगडा केला. युद्धाची भीती छुमंतर झाल्याचे सकाळच्या सत्रात दिसत आहे.
India-US Trade Deal: मंगळवारी शेअर बाजारात गुंतवणूकदारांचे मंगलच मंगल झाले. बाजार सुरू होताच सेन्सेक्स आणि निफ्टी रॉकेटसारखा उडाला. बॉम्बे स्टॉक एक्सचेंजचा सेन्सेक्सने 500 अंकाहून अधिक उसळी आली. तर नॅशनल स्टॉक एक्सचेंज, NSE Nifty ने तेजीचा घोडा दौडवला. 30 शेअर्सचा बीएसई सेन्सेक्स इंडेक्स 96.86 अंक वा 0.12 टक्क्यांच्या तेजीसह उघडला होता. पहिल्या सत्रात सेन्सेक्सने 78,617.16 अंकाची सुरुवात केली. एनएसई निफ्टी 50 ने दिवसाची सुरुवात चांगली झाली. आज निफ्टी 50 हा 9.70 अंक वा 0.04 टक्क्यांच्या उसळीसह 24,374.55 च्या स्तरावर उघडला.
आज सकाळी बाजार उघडताच सकाळी 9:20 वाजता, सेन्सेक्स 430 अंकांच्या तेजीसह 78,950 अंकावर व्यापार करत होता. तर निफ्टी 50 हा 117 अंकांच्या उसळीसह 24,480 च्या स्तरावर ट्रेड करत होता. भारत आणि अमेरिका व्यापार कराराविषयी मोठी अपडेट समोर आल्यानंतर आखाती युद्धाची भीती झटक्यात बाजूला झाली आणि गुंतवणूकदारांनी या सोहळ्यात सहभाग घेतला. शेअर बाजार सुखावला.
बीएसईचे टॉप गेनर आणि लूजर
बीएसई बास्केटमध्ये अदानी पोर्ट, आयसीआयसीआय बँक, एल अँड टी, बजाज फायनान्स हे टॉप गेनर ठरले. तर त्याचवेळी टेक महिंद्रा, टिसीएस आणि आयएनएफवाय यांना बाजारात मांड ठोकता आली नाही. या कंपन्यांना पहिल्या सत्रातच सूर गवसला नाही. आता दुपारनंतर बाजारात काय बदल होतो हे समोर येईल.
सोमवारी बाजाराची दिशा काय होती?
भारतीय शेअर मार्केटमध्ये सोमवारी, 20 एप्रिल रोजी व्यापारी दिवसाची सुरुवातही तेजीने झाली होती. प्रमुख निर्देशांक बीएसई सेन्सेक्स आणि एनएसई निफ्टी 50 हिरव्या रंगात न्हाऊन निघाले. सेन्सेक्स 26.76 अंक वा 0.03 टक्क्यांच्या तेजीसह 78,520.30 अंक तर एनएसई निफ्टी 50 हा निर्देशांक 11.30 अंक वा 0.05 टक्क्यांनी उसळून 24,364.85 च्या स्तरावर पोहचला.
India US Trade Deal
अमेरिकेतून आलेल्या वृत्तानुसार, भारत आणि अमेरिकेत व्यापारी कराराचा नवीन अध्याय लवकरच लिहिल्या जाऊ शकतो. 20 एप्रिलपासूनच याविषयीच्या चर्चा समोर येत आहे. त्याचा सकारात्मक परिणाम दिसून आला. अमेरिकेने न्यायालयाने टॅरिफ हे बेकायदेशीर म्हटले होते. टॅरिफ रद्द करण्याचे आदेश दिले होते. दरम्यान दर्पण जैन यांच्या नेतृत्वात एक डझन भारतीय अधिकाऱ्यांचे शिष्टमंडळ अमेरिकन दौऱ्यावर असल्याचे आणि ते अनेक विषयावर चर्चा करणार असल्याचे समोर येत आहे.
