आता घर बसल्या करा कोरोना चाचणी, अवघ्या 325 रुपयांत कोरोना किट लाँच

आता घर बसल्या करा कोरोना चाचणी, अवघ्या 325 रुपयांत कोरोना किट लाँच
corona test

अ‍ॅबॉट यांनी दिलेल्या निवेदनात म्हटले आहे की, कंपनी वैयक्तिक वापरासाठी उपलब्ध असलेल्या कोट्यवधी Panbio COVID-19 जलद प्रतिजैविक चाचणी किट उपलब्ध करून देईल.

टीव्ही 9 मराठी डिजीटल टीम

| Edited By: Vaibhav Desai

Jul 12, 2021 | 6:56 PM

नवी दिल्लीः भारतातील वयस्क आणि लहान मुलांमध्ये लक्षणे असलेल्या आणि लक्षणे नसलेल्या सार्स-सीओवी-2 विषाणूचा शोध घेण्यासाठी कोविड 19 होम टेस्ट (Covid-19 Home-Testing Kit) सुरू केलीय, असे हेल्थकेअरचे प्रमुख अ‍ॅबॉट यांनी सोमवारी सांगितले. विशेष म्हणजे हे किट अवघ्या 325 रुपयांत मिळणार आहे. (Now sit at home and test the Corona, launch the Corona Kit for just Rs 325)

Panbio COVID-19 जलद प्रतिजैविक चाचणी किट उपलब्ध करणार

अ‍ॅबॉट यांनी दिलेल्या निवेदनात म्हटले आहे की, कंपनी वैयक्तिक वापरासाठी उपलब्ध असलेल्या कोट्यवधी Panbio COVID-19 जलद प्रतिजैविक चाचणी किट उपलब्ध करून देईल. यामुळे शहरी आणि ग्रामीण भागातील आरोग्य यंत्रणेवरील ओझे कमी होण्यास मदत होईल, असे कंपनीने म्हटले आहे. अ‍ॅबॉटच्या माहितीनुसार, या किटच्या सहाय्याने कोविड 19 विषाणूची घरी सहज तपासणी केली जाऊ शकते. या चाचणी उपकरणासंदर्भात आयसीएमआरचे माजी महासंचालक निर्मल कुमार गांगुली म्हणाले की, यामुळे होम आयसोलेशन वेगवान होईल आणि योग्य वेळी विषाणूचा प्रसार थांबविला जाईल.

कोरोना विरुद्ध युद्धामध्ये मिळणार मदत

कंपनीचे एशिया पॅसिफिकचे उपाध्यक्ष संजीव जोहर म्हणाले की, वेगवान अँटीजेन चाचणी कोरोनाविरुद्ध लढ्यात मदत करेल. जुलैअखेर पहिल्या टप्प्यात 7 मिलियन म्हणजेच 70 लाख चाचणी किट देण्यात येणार असल्याचे कंपनीने म्हटले आहे. गरज आणि मागणी वाढल्याने कंपनी लाखो चाचणी किट तयार करण्यास सक्षम आहे.

किंमत किती असेल ते जाणून घ्या

या टेस्ट किटचे नाव अ‍ॅबॉट Panbio COVID-19 अँटीजेन टेस्टिंग किट असे ठेवले गेलेय. एकाच किटची किंमत 325 रुपये, 4 पॅक किटची किंमत 1250 रुपये, 10 पॅक किटची किंमत 2800 रुपये आणि 20 पॅक किटची किंमत 5400 रुपये आहे.

299 रुपयांत आरटी-पीसीआर चाचणी

अलीकडेच फ्रेंच कंपनीने (PathStore) कोविड 19 आरटी-पीसीआर चाचणी 299 रुपयांत सुरू केली. पाथस्टोअरने निवेदनात म्हटले होते की, कंपनीची ही अत्यंत परवडणारी आरटी-पीसीआर चाचणी पर्यटन, उद्योग आणि किरकोळ क्षेत्रातील कामकाजात मदत करेल. पुढील एक ते तीन महिन्यांत पाथ स्टोअर सर्व कोविड 19 प्रभावित राज्यांमध्ये विस्तारित होईल. आरटी-पीसी आणि नमुने गोळा करण्यासाठी कंपनी 2 हजारांहून अधिक वैद्यकीय प्रतिनिधी तैनात करेल. कंपनीने गुरुग्राममध्ये एक मोठा आरटी-पीसीआर आणि बायोसॅफ्टी लेव्हल -3 चाचणी लॅब सुरू केलीय. येथे दिवसात एक लाख नमुने तपासले जाऊ शकतात.

संबंधित बातम्या

Gold Latest Price : आठवड्याच्या पहिल्याच दिवशी सोने-चांदी स्वस्त, पटापट तपासा नवे दर

Flipkart चे मूल्य वाढून झाले 2.70 लाख कोटी, जगभरातील गुंतवणूकदारांनी जमवले 25000 कोटी

Now sit at home and test the Corona, launch the Corona Kit for just Rs 325

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें