AQI
TV9 Network
User
Sign In

By signing in or creating an account, you agree with Associated Broadcasting Company's Terms & Conditions and Privacy Policy.

ENG vs NEP : हलक्यात घ्यायचं काम नाय, हरले, पण रडवून सोडलं, इंग्लंडचा नेपाळ विरुद्ध 4 धावांनी विजय

England vs Nepal Match Result Icc T20i World Cup 2026 : नेपाळ क्रिकेट टीम आयसीसी टी 20I वर्ल्ड कप 2026 स्पर्धेत उलटफेर करुन विजयी होण्यात फक्त 4 धावांनी अपयशी ठरली. नेपाळ अपयशी ठरली मात्र त्यांनी इंग्लंडला रडवून सोडलं.

ENG vs NEP : हलक्यात घ्यायचं काम नाय, हरले, पण रडवून सोडलं, इंग्लंडचा नेपाळ विरुद्ध 4 धावांनी विजय
England vs Nepal Match Result T20i World Cup 2026Image Credit source: England Cricket X Account and Social Media
Sanjay patil
Sanjay patil | Updated on: Feb 08, 2026 | 7:27 PM
Share

आयसीसी टी 20i वर्ल्ड कप 2026 स्पर्धेत इंग्लंड त्यांच्या पहिल्याच सामन्यात सर्वात मोठ्या उलटफेरची शिकार होता होता राहिली. इंग्लंडने नवख्या असलेल्या नेपाळसमोर मुंबईतील वानखेडे स्टेडियममध्ये 185 धावांचं आव्हान ठेवलं होतं. नेपाळने या धावांचा पाठलाग करताना सडेतोड बॅटिंग करत शेवटपर्यंत जोरदार लढा दिला. नेपाळच्या फलंदाजांनी केलेल्या फटकेबाजीमुळे सामना रंगतदार स्थितीत पोहचला होता. नेपाळला मोठा उलटफेर करण्यासाठी शेवटच्या ओव्हरमध्ये 10 धावांची गरज होती. नेपाळने शेवटच्या बॉलपर्यंत लढा दिला. मात्र सॅम करन याने चिवट बॉलिंग केली. सॅमने 9 धावांचा यशस्वी बचाव केला. नेपाळला शेवटच्या बॉलवर 6 धावांची गरज होती. तेव्हा सॅमने हुशारीने बॉल टाकला आणि अवघी 1 धाव दिली. इंग्लंडने अशाप्रकारे आपली लाज राखली आणि 4 धावांनी विजय मिळवला. तर नेपाळची झुंज अपयशी ठरली. मात्र नेपाळने या कामगिरीसह चाहत्यांची मनं जिंकली.

सामन्याचा धावता आढावा

इंग्लंडने टॉस जिंकून पहिले बॅटिंग केली. इंग्लंडसाठी जेकब बेथल आणि कॅप्टन हॅरी ब्रूक या दोघांनी सर्वाधिक धावा केल्या. जेकबने 55 आणि हॅरीने 53 धावांची खेळी केली. जोस बटलर याने 26 धावांचं योगदान दिलं. तर अखेरच्या क्षणी विल जॅक्स याने 18 बॉलमध्ये 39 रन्सची खेळी करत फिनिशिंग टच दिला. इंग्लंडने अशाप्रकारे 7 विकेट्स गमावून 184 धावा केल्या. नेपाळसाठी दीपेंद्र सिंह आयरी आणि नमन यादव या दोघांनी प्रत्येकी 2-2 विकेट्स मिळवल्या.

नेपाळची चाबूक सुरुवात

कुशल भुरटेल आणि आसिफ शेख या सलामी जोडीने 185 धावांचा पाठलाग करताना नेपाळला चांगली सुरुवात करुन दिली. या जोडीने पावरप्लेचा फायदा घेत नेपाळला आश्वासक सुरुवात करुन दिली. मात्र आसिफ नेपाळच्या 37 धावा असताना आऊट झाला. आसिफने 9 धावा करुन मैदानाबाहेरचा रस्ता धरला. त्यानंतर कुशलही बाद झाला. कुशलने 29 धावांचं योगदान दिलं.

रोहित आणि दीपेंद्रची निर्णायक भागीदारी

त्यानंतर दीपेंद्र सिंह आयरी आणि कॅप्टन रोहित पौडेल या दोघांनी धमाका केला. या जोडीने इंग्लंडच्या गोलंदाजीची धुलाई करत नेपाळच्या विजयाचा दावा मजबूत केला. मात्र निर्णायक क्षणी इंग्लंडने नेपाळला झटपट 2 झटके दिले. इंग्लंडने या सेट जोडीला आऊट केलं. दीपेंद्र 44 आणि रोहित 39 रन्स करुन माघारी परतले. त्यामुळे नेपाळच्या विजयाची आशा काही प्रमाणात कमी झाली. मात्र लोकेश बाम याने इंग्लंडचं टेन्शन वाढवलं.

लोकेश बामची झुंजार खेळी व्यर्थ

लोकेशने आरिफ शेख आणि गुलशन झा या दोघांच्या मदतीने किल्ला लढवला आणि नेपाळला शेवटपर्यंत सामन्यात कायम ठेवलं. लोकेशच्या या खेळीमुळेच इंग्लंडची पाचावर धारण झाली होती.

नेपाळला विजयासाठी 48 धावांची गरज असताना लोकेशने चाबूक बॅटिंग केली. नेपाळने 18 व्या षटकात 22 धावा केल्या. तर 19 व्या ओव्हरमध्ये 14 रन्स केल्या. लोकशेने केलेल्या फटकेबाजीमुळे सामना शेवटच्या ओव्हरपर्यंत पोहचला. नेपाळला आता 6 बॉलमध्ये 10 रन्स हव्या होत्या. मात्र सॅम करन याने अनुभवाच्या जोरावर शेवटच्या ओव्हरमध्ये फक्त 5 धावाच दिल्या. इंग्लंडने अशाप्रकारे 4 धावांनी सामना जिंकत विजयी सलामी दिली आणि उलटफेर होण्यापासून आपली लाज राखली.

Follow Us
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चां
पुण्यात अमित शाह आणि देवेंद्र फडणवीस यांची भेट? राजकीय वर्तुळात चर्चांना उधाण!
आंबेगावात कामगारांचं बचावकार्य सुरु असतानाच भाजप नेत्यांकडून धक्कादायक
Solapur : आंबेगावात कामगारांचं बचावकार्य सुरु असतानाच भाजप नेत्यांकडून श्रद्धांजलीच्या पोस्ट
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना...
कर्जतमध्ये टोरेंट प्रकल्पावरून संघर्षाची ठिणगी! 226 शेतकऱ्यांना भूसंपादनाच्या नोटिसा; संजय राऊतांचा इशारा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा खुलासा
टायगर श्रॉफ प्रकरणाला नवं वळण; गणेश लांडगेच्या कुटुंबीयांचा मोठा खुलासा, म्हणाले...
महाराष्ट्र एपस्टीन फाईल्सवरून वाद पेटला! दिग्दर्शक स्वरूप सावंतांनी...
महाराष्ट्र एपस्टीन फाईल्स' चित्रपटावरून वाद पेटला! दिग्दर्शक स्वरूप सावंतांनी अखेर मौन सोडलं, थेट केलं मोठं विधान...
अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी..
IND vs NZ: अर्शदीप, सिराज अन् अक्षरची कमाल! भारताने न्यूझीलंडविरुद्ध 22 धावांनी सामना जिंकला
केंद्रीय गृहमंत्री अमित शाह आणि शरद पवार एकाच मंचावर? कारण काय?
केंद्रीय गृहमंत्री अमित शाह आणि शरद पवार एकाच मंचावर? अजित पवारांच्या पुतळ्याच्या अनावरण सोहळ्यात शरद पवारांना निमंत्रण
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील...
कर्जाचे हप्ते थकल्याने मायक्रो फायनान्स कंपनीने शेतमजुराचे घर सील, दुष्काळी परिस्थितीमुळे जीवन विस्कळीत
500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इ
Manoj Jarange Patil : 500 कोटींच्या ऑडिओ क्लिपवरून मनोज जरांगे आक्रमक; थेट बड्या नेत्यांना इशारा
खासदार शोधा रे, शोधणाऱ्याला बक्षीस... रवी राणा असं का म्हणाले?
खासदार शोधा रे, शोधणाऱ्याला बक्षीस... रवी राणा असं का म्हणाले? अमरावतीतील राजकाणात मोठ्या घडामोडी