Offer: PNB स्वस्त घर आणि दुकान विकतंय, खरेदीसाठी करा हे काम
गृहनिर्माण, निवासी, व्यावसायिक आणि औद्योगिक अशा सर्व प्रकारच्या मालमत्तांचा लिलाव केला जाणार आहे. तुम्हीसुद्धा या मेगा लिलावात सहभागी होऊन घर, दुकान किंवा प्लॉट अतिशय स्वस्त किमतीत खरेदी करू शकता.
नवी दिल्लीः महागडे घर, दुकान आणि जमीन स्वस्तात खरेदी करण्याची चांगली संधी आहे. सरकारी बँक पंजाब नॅशनल बँक स्वस्त मालमत्ता खरेदी करण्याची संधी देत आहे. पीएनबी 12 ऑगस्ट 2021 रोजी मेगा ई-लिलाव आयोजित करत आहे. यामध्ये गृहनिर्माण, निवासी, व्यावसायिक आणि औद्योगिक अशा सर्व प्रकारच्या मालमत्तांचा लिलाव केला जाणार आहे. तुम्हीसुद्धा या मेगा लिलावात सहभागी होऊन घर, दुकान किंवा प्लॉट अतिशय स्वस्त किमतीत खरेदी करू शकता.
पीएनबी मेगा ई-लिलावात तुम्हाला योग्य संधी
पंजाब नॅशनल बँकेने ट्विट करून ही माहिती दिलीय. पीएनबीच्या ट्विटनुसार, वाजवी दरात निवासी आणि व्यावसायिक मालमत्ता शोधत आहात? पीएनबी मेगा ई-लिलाव तुम्हाला योग्य संधी देत आहे. थकबाकीची रक्कम परत मिळवण्यासाठी बँक गहाण ठेवलेल्या मालमत्तेचा लिलाव करणार आहे. लिलावाची संपूर्ण माहिती भारतीय बँका ऑक्शन मॉर्गेज प्रॉपर्टीज इंफॉर्मेशन अर्थात IBAPI वर उपलब्ध आहे. त्याची स्थापना इंडियन बँक्स असोसिएशनने केली.
3175 व्यावसायिक मालमत्ता लिलावासाठी सज्ज
पीएनबीच्या या मेगा लिलावामध्ये 14117 निवासी मालमत्ता आणि 3175 व्यावसायिक मालमत्ता लिलावासाठी आहेत. याशिवाय इंजस्ट्रीयल प्रॉपर्टीज 1574, एग्रीकल्चर प्रॉपर्टीज 105 आहेत. ही प्रॉपर्टीज डीफॉल्टच्या सूचीमध्ये आहेत.
Looking for residential and commercial properties at reasonable rates?
PNB’s Mega e-Auction gives you just the right opportunity.
Date: August 12 Portal: https://t.co/N1l10rJGGS pic.twitter.com/hqEl5MmsDy
— Punjab National Bank (@pnbindia) August 4, 2021
अशा प्रकारे ई-लिलावामध्ये भाग घ्या
ई-लिलाव नोटीसमध्ये दिलेल्या संबंधित मालमत्तेसाठी ईएमडी सादर करावा लागेल. ‘केवायसी कागदपत्रे’ संबंधित बँक शाखेत दाखवावी लागतात. लिलावात सहभागी होणाऱ्या व्यक्तीकडे डिजिटल स्वाक्षरी असणे आवश्यक आहे. नसल्यास ई-लिलावकर्ता किंवा इतर कोणत्याही अधिकृत एजन्सीला यासाठी संपर्क साधता येईल. ई-लिलावकर्ता संबंधित बँक शाखेत ईएमडी जमा केल्यानंतर आणि केवायसी कागदपत्रे दाखवल्यानंतर बिडरच्या ईमेल आयडीवर लॉगिन आयडी आणि पासवर्ड पाठवेल. लिलावाच्या नियमांनुसार, ई-लिलावाच्या दिवशी वेळेवर लॉगिन करून बोली लावता येते.
संबंधित बातम्या
LIC IPO बद्दल मोठी बातमी, ‘या’ तारखेपर्यंत येऊ शकतो इश्यू, पॉलिसी खरेदीदारांना थेट लाभ
सरकार 6 कोटी लोकांच्या खात्यात पैसे जमा करणार, पटापट पीएफ तपासा
Offer: PNB sells cheap house and shop, do this work for purchase
