कोरोनाला रोखण्यात रिलायन्स सर्वात पुढे; सॅनिटायझर, कोविड किटनंतर आता कंपनी औषध आणणार

नवी दिल्लीः देशातील सर्वात मोठी कंपनी रिलायन्स इंडस्ट्रीज कोरोनाच्या सध्याच्या लाटेत सरकार, त्याचे कर्मचारी आणि सामान्य लोकांना प्रचंड मदत करत आहे. त्याचबरोबर आता रिलायन्सने सॅनिटायझर्स आणि टेस्टिंग किटही बनवण्यास सुरुवात केलीय. कोरोनाची दुसरी लाट लक्षात घेता कंपनी लोकांना मदत करण्याचा पूर्ण प्रयत्न करत आहे. रिलायन्स R&D टीमने बाजाराच्या किमतीच्या 20% दराने डब्ल्यूएचओ निर्देशानुसार सॅनिटायझर्स बनविण्याची प्रक्रिया सुरू केलीय. विशेष म्हणजे कंपनी कोरोनाचे औषधही लवकरच आणण्याची शक्यता आहे. कंपनीने कोविड 19 च्या विरुद्ध संभाव्य औषध म्हणून Niclosamide साठी अर्जाचा प्रस्ताव सादर केलाय. (Reliance at the forefront of blocking Corona; The company will now bring medicine after sanitizer, covid kit)

आर-ग्रीन’ आणि ‘आर-ग्रीन प्रो’ नावाची परवडणारी आणि प्रभावी डायग्नोस्टिक किट विकसित

रिलायन्सची टीम नेक्सर पॉलिमरचे प्रमाणीकरण करण्यासाठी विविध CSIR लॅबसह कार्य करीत आहे, ज्याने विविध व्हायरस आणि बॅक्टेरियांचा लिपिड थर नष्ट करण्याची क्षमता दर्शविली. त्याचबरोबर कंपनीने कोविड 19 शोधण्यासाठी ‘आर-ग्रीन’ आणि ‘आर-ग्रीन प्रो’ नावाची परवडणारी आणि प्रभावी डायग्नोस्टिक किट विकसित केलीत. किटला ICMR ची मान्यता मिळालीय.

रिलायन्स ऑक्सिजनची कमतरता भागवते

इटलीमध्ये विकसित झालेल्या संकल्पनेची अंमलबजावणी करून इस्पितळातील रुग्णांमधील आपत्कालीन कक्षांना अपुरी व्हेंटिलेटर पुरवठा करण्यासाठी कंपनी काम करीत आहे, जी सीपीएपी मशीनला थ्रीडी-प्रिंटेड शार्लोट वाल्व्ह आणि स्पेशल स्नॉर्किंग मास्कसह सक्षम करते. कोरोना साथीच्या रोगाचा सर्वत्र उद्रेक होत असताना रिलायन्सने ऑनसाईट ऑक्सिजनच्या मागणीत लक्षणीय वाढ नोंदविली. 90-95% च्या अचूकतेसह प्रति मिनिट 5-7 लिटर ऑक्सिजन तयार करण्यास सक्षम ऑक्सिजन जनरेटरसाठी कमी-इंजिनीयर्ड मजबूत डिझाइनवर काम करण्यास सुरुवात केलीय.

रुग्णवाहिका आणि आपत्कालीन वाहनांसाठी विनामूल्य पेट्रोल

रिलायन्स बीपी मोबिलिटी लिमिटेडने कोविड 19 सेवेमध्ये गुंतलेल्या रुग्णवाहिकांना मोफत इंधन पुरवण्यासाठी मुंबईत मोबाईल इंधन बाऊसर तैनात केले. रिलायन्स बीपी मोबिलिटी लिमिटेड हा रिलायन्स इंडस्ट्रीज लिमिटेड आणि ब्रिटिश पेट्रोलियम (BP) यांच्यात किरकोळ इंधन विक्रीसाठीचा संयुक्त प्रकल्प आहे. रिलायन्स फाऊंडेशनच्या सहकार्याने कंपनीने गेल्या वर्षी मार्चमध्ये देशभरातील कोविड आपत्कालीन सेवा वाहनांना मोफत इंधन पुरवण्यासाठी पुढाकार घेतला होता.

संबंधित बातम्या

घर मालक की भाडेकरू, मोदी सरकारने मंजूर केलेल्या नव्या कायद्याचा फायदा नेमका कोणाला?

SBI Alert: स्टेट बँकेचा कोट्यवधी ग्राहकांना इशारा, 30 जूनपूर्वी ‘हे’ काम करण्याचा सल्ला, अन्यथा पैशांचे व्यवहार बंद होणार

Reliance at the forefront of blocking Corona; The company will now bring medicine after sanitizer, covid kit