घर खरेदीदारांना धक्का, ‘या’ बँकेने गृहकर्जाचे व्याजदर वाढवले, पटापट तपासा

नवी दिल्लीः खासगी क्षेत्रातील कोटक महिंद्रा बँकेने सणाची ऑफर संपताच गृहकर्जाच्या व्याजदरात वाढ करण्याची घोषणा केलीय. बँकेने गृहकर्जाच्या व्याजदरात 5 बेसिस पॉइंट्सने (0.05 टक्के) वाढ केली. आता कोटक महिंद्रा बँकेतील गृहकर्जाचे व्याजदर 6.55 टक्क्यांपासून सुरू होतील. नवीन गृहकर्जाचे व्याजदर 9 नोव्हेंबर ते 10 डिसेंबर 2021 पर्यंत लागू होतील.

8 नोव्हेंबर 2021 रोजी मर्यादित कालावधीची सणासुदीची ऑफर समाप्त

सप्टेंबरच्या सुरुवातीला KMBL (कोटक महिंद्रा बँक लिमिटेड) ने वार्षिक 6.50 टक्के दराने गृहकर्ज व्याजदर सुरू करून सणासुदीच्या हंगामाची सुरुवात केली, असे बँकेने एका निवेदनात म्हटले. आज 8 नोव्हेंबर 2021 रोजी मर्यादित कालावधीची सणासुदीची ऑफर समाप्त होत आहे. बँकेचे म्हणणे आहे की, ज्या अर्जदारांची कर्जे 8 नोव्हेंबर 2021 पर्यंत बँकेने मंजूर केलीत आणि त्यांना पुढील सात दिवसांत म्हणजे 15 नोव्हेंबर 2021 पर्यंत वितरित केले जाईल, त्यांच्यासाठी व्याजदर 6.50 टक्के राहील.

तुमच्या स्वप्नातील घर खरेदी करण्याची ही उत्तम संधी

कोटक महिंद्रा बँकेचे अंबुज चंदना म्हणाले, “अलीकडील विशेष 60 दिवसांच्या सणासुदीच्या ऑफरचे घर खरेदीदारांनी खूप कौतुक केले आणि आम्हाला नवीन प्रकरणे आणि शिल्लक हस्तांतरण या दोन्ही बाबतीत खूप मागणी आहे. त्यामुळे 6.55 टक्क्यांच्या नवीन गृहकर्ज दरासह कर्जदारांना चांगला कालावधी देताना आम्हाला आनंद होत आहे. ग्राहकांना त्यांच्या स्वप्नातील घर खरेदी करण्याची ही उत्तम संधी आहे.

नवीन आणि शिल्लक हस्तांतरण ग्राहकांना लाभ मिळेल

6.55 टक्के सुधारित दर नवीन गृहकर्ज तसेच शिल्लक हस्तांतरण कर्जांवर लागू आहे. या व्याजदरांतर्गत कर्जाच्या रकमेवर कोणतीही मर्यादा नाही आणि ती पगारदार आणि स्वयंरोजगार व्यावसायिक दोघांसाठी उपलब्ध आहे. कर्जदाराला मिळणारा अंतिम दर त्याच्या क्रेडिट स्कोअरवर अवलंबून असेल. 800 आणि त्याहून अधिक क्रेडिट स्कोअर असलेल्या कर्जदारांसाठी कोटक महिंद्रा बँकेचा सर्वात कमी दर 6.50 टक्के होता. 750-799, 700-749 आणि 650-699 च्या क्रेडिट स्कोअर बँडचे व्याजदर अनुक्रमे 6.60 टक्के, 6.80 टक्के आणि 7.10 टक्के होते.

संबंधित बातम्या

Bank FD: आता 3 वर्षांच्या फिक्स्डवर मिळवा 7 टक्के व्याज, जाणून घ्या संपूर्ण तपशील

आता घरबसल्या करा SBI डेबिट कार्ड पिन जनरेट, या स्टेप्स करा फॉलो, क्षणात होईल काम