आजपासून काही वर्षांनंतर 1 कोटीचे मूल्य किती असेल? गुंतवणूकीपूर्वी ही गोष्ट लक्षात ठेवा

नवी दिल्ली Investment tips : आपल्याला वृद्ध वयात 1 कोटींचा फंड हवा असेल तर तो तयार करण्यासाठी अनेक एसआयपी योजना उपलब्ध आहेत. एसआयपी कॅल्क्युलेटरच्या मदतीने दरमहा तुम्हाला किती पैसे जमा करावे लागतात तसेच गुंतवणूकीवरील परतावा देखील तुम्हाला सहज कळेल. उदाहरणार्थ, जर आपण त्या योजनेत दरमहा 10 हजार रुपये जमा केले ज्यांचे वार्षिक उत्पन्न 12% आहे, तर 20 वर्षानंतर आपला निधी 1 कोटी होईल. (What will be the value of 1 crore a few years from today, Keep this in mind before investing)

वाढता महागाई दर पाहता 1 कोटीचे मूल्य आजच्या 10, 20, 25, 30 वर्षांनंतर समान असणार नाही. अशा परिस्थितीत हे जाणून घेणे देखील महत्त्वाचे आहे की भविष्यात 1 कोटीचे मूल्य किती राहील. महागाईमुळे चलनाचे मूल्य कमी होते. आता दहा लाख रुपयांइतके आपण खरेदी करू शकतील इतके सामान आपण दहा वर्षानंतर खरेदी करू शकणार नाही. त्याच वेळी, 10 वर्षांपूर्वी, आजच्या तुलनेत अधिक सामान खरेदी करता येत होते.

जाणून घ्या किती असेल 1 कोटीचे मूल्य

जर चलनवाढीचा दर 5 टक्के असेल तर 15 वर्षानंतर 1 कोटीचे मूल्य 48 लाख होईल. त्याचबरोबर 20 वर्षानंतर त्याचे मूल्य 37.68 लाख असेल, 25 वर्षानंतर 29.53 लाख आणि 30 वर्षानंतर हे मूल्य 23.13 लाख होईल. याची गणना करण्यासाठी महागाईचा दर 5 टक्के ठेवण्यात आला आहे.

महागाई 5 ते 6 टक्के राहण्याची अपेक्षा

येत्या काही वर्षांत सर्वसाधारण चलनवाढीचा दर 5 ते 6 टक्के राहील, असे गुंतवणूक तज्ज्ञांचे म्हणणे आहे. रिझर्व्ह बँकेने येत्या पाच वर्षांत महागाईचे लक्ष्य 4 टक्क्यांवर ठेवले आहे. यात, +/- 2 टक्के ब्रॅकेट ठेवण्यात आला आहे. वैद्यकीय आणि शैक्षणिक महागाईमध्ये दीर्घकाळ तेजी येते. अशा परिस्थितीत आपण मुलांच्या भवितव्याची तयारी करत असाल तर या गोष्टीची विशेष काळजी घेतली पाहिजे.

शिक्षणाच्या बाबतीत अशी करा तयारी

समजा सध्या एमबीए फी 15 लाख आहे. मुलांच्या भवितव्यासाठी यासाठी बचत केल्यास 20 वर्षानंतर 7 टक्के महागाईच्या दराने हे मूल्य 40 लाख होईल. अशा परिस्थितीत आपले लक्ष्य 15 लाख नव्हे तर 40 लाख असले पाहिजे. (What will be the value of 1 crore a few years from today, Keep this in mind before investing)

इतर बातम्या

अजित पवारांच्या सीबीआय चौकशीच्या ठरावातून भाजपची वैचारिक दिवाळखोरी समोर, जयंत पाटलांचा घणाघात

जळगावच्या विद्यार्थिनींकडून अंधांना मदत करणाऱ्या तिसरा डोळ्याचा शोध, ‘गॅझेट’ उपकरणाची निर्मिती