SSC GD Notification 2021: एसएससी जीडी कॉन्स्टेबल भरतीचं नोटिफिकेशन जारी, 25 हजार जागा, 10 वी पास उमेदवारांसाठी मोठी संधी
SSC GD Vacancy 2021: एसएससी जीडी भर्ती परीक्षेचं नोटिफिकेशन (SSC GD Notification) जारी कर्यात आलं आहे. ऑफिशियल वेबसाईट ssc.nic.in वर रजिस्ट्रेशन देखील सुरु झालं आहे.
SSC GD Notification 2021 Released नवी दिल्ली: स्टाफ सिलेक्शन कमिशन (SSC) ने CAPF मध्ये कॉन्स्टेबल (जनरल ड्यूटी किंवा जीडी), SSF आणि आसाम रायफल्स मध्ये रायफलमन या पदांसाठी जीडी कॉन्स्टेबल भरतीसाठी नोटिफिकेशन जारी करण्यात आलं आहे. पात्र उमेदवार बऱ्याच दिवसांपासून या भरती प्रक्रियेची वाट पाहत होते. नोटिफिकेशन पहिल्यांदा मे महिन्यात जारी होणार होतं. मात्र, अखेर नोटिफिकेशन जारी करण्यात आल्यानं उमदेवारांना दिलासा मिळाला आहे. अखेर 25 हजार पदांवर भरती प्रक्रिया होणार आहे.
एकूण किती पदांवर भरती
स्टाफ सिलेक्शन कमिशननं यावेळी 25271 पदांवर भरती प्रक्रिया राबवली होती. भरती प्रक्रियेत पुरुष उमेदवारांसाठी 22424 जागा आहेत तर, महिला सांठी 2847 पद आहेत. कॉन्स्टेबल पदासाठी अर्ज करण्यास आजपासून सुरुवात झाली आहे. इच्छुक आणि योग्य उमेदवार ऑफिशियल वेबसाईट ssc.nic.in वर जाऊन ऑनलाईन अर्ज दाखल करु शकतात. अर्ज दाखल करण्याची अखेरची तारीख 31 ऑगस्ट 2021 ही आहे. तर, अर्जाचं शुल्क ऑनलाईन जमा करण्याची अखेरची मुदत 2 सप्टेंबर तर चलनाद्वारे सादर करण्याची अखेरची मुदत 7 सप्टेंबरपर्यंत आहे.
महत्वपूर्ण तारखा
अर्ज दाखल करण्याची प्रक्रिया सुरु होण्याची तारीख – 17 जुलै ऑनलाईन अर्ज दाखल करण्याची अखेरची तारीख- 31 ऑगस्ट (रात्री 11.30 वाजेपर्यंत) ऑनलाईन फी जमा करण्याची अखेरची तारीख – 2 सप्टेंबर (रात्री 11.30 वाजता) ऑफलाईन चलन जनरेट करण्याची अखेरची तारीख- 4 सप्टेंबर (रात्री 11.30 वाजता) चलनाद्वारे फी जमा करण्याची अखेरची तारीख – 7 सप्टेंबर टियर – 1 परीक्षा (सीबीटी) चे तारीख- नंतर कळवली जाणार आहे
विभागनिहाय पदसंख्या
बीएसएफ: 7545 सीआयएसएफ : 8464 एसएसबी : 3806 आयटीबीपी :1431 आसाम रायफल्स: 3785 एसएसएफ: 240 यावेळी सीआरपीएफ आणि एनआयएमध्ये कोणत्याही जागा निघालेल्या नाहीत.
IMPORTANT NOTICE : Notice of Constables (GD) in Central Armed Police Forces (CAPFs), NIA, SSF and Rifleman (GD) in Assam Rifles Examination, 2021 Download PDF Here https://t.co/1fhTcXTlUO @ssc_official__ https://t.co/cA90bCyCkG
— staff selection commission of India (@ssc_official__) July 17, 2021
पात्रता
स्टाफ सिलेक्शन कमिशनच्या सीएपीएफ जीडी कॉन्स्टेबल पदासाठी अर्ज करणारे उमेदवार 10 वी उत्तीर्ण असणं आवश्यक आहे.
वयोमर्यादा
ज्या उमेदवारांचं वय 18 ते 23 वर्षांच्या दरम्यान असेल ते अर्ज दाखल करु शकतात.
शारीरिक पात्रता
उंची पुरुष उमेदवार – 170 सेमी. महिला उमेदवार – 157 सेमी.
छाती पुरुष उमेदवार – 80 सेमी. (फुगवून – 85 सेमी)
पगार
उमेदवारांची निवड झाल्यानंतर त्यांना पे लेवल -3 च्या प्रमाणे 21700-69100 रुपये पगार मिळणार आहेत.
अर्ज कुठे सादर करायचा?
स्टाफ सिलेक्शन कमिशनची ऑफिशियल वेबसाईट ssc.nic.in वर जाऊन ऑनलाईन अर्ज दाखल करु शकतात
इतर बातम्या
AFMS Recruitment 2021: सशस्त्र सेना वैद्यकीय सेवांमध्ये 89 पदांवर भरती, 9 ऑगस्टपर्यंत करा अर्ज
SSC GD Constable Notification 2021 released for 25271 post apply online at ssc.nic.in check all details here
