FCI Manager Final Result 2021: मॅनेजर भरती परीक्षेचा अंतिम निकाल जारी, असा करा चेक निकाल

एफसीआय मॅनेजर भरती परीक्षेचा अंतिम निकाल जारी

नवी दिल्ली : फूड कॉर्पोरेशन ऑफ इंडिया (एफसीआय)ने घेतलेल्या मॅनेजर भरती परीक्षेचा अंतिम निकाल (FCI Manager Final Result 2021) जाहीर झाला आहे. अशा परिस्थितीत, या परीक्षेला बसलेले उमेदवार अधिकृत वेबसाईट fci.gov.in वर जाऊन निकाल तपासू शकतात. वेगवेगळ्या झोननुसार वेगवेगळे निकाल देण्यात आले आहेत. या भरती परीक्षेची अधिसूचना 26 सप्टेंबर 2019 रोजी प्रसिद्ध झाली होती. एफसीआयकडून मॅनेजर (जनरल), मॅनेजर (डेपो), मॅनेजर (मुव्हमेंट), मॅनेजर (अकाउंट्स), मॅनेजर (टेक्निकल), मॅनेजर (सिव्हिल इंजिनिअरिंग) आणि मॅनेजर (मेकॅनिकल इंजिनिअरिंग) अशा एकूण 330 पदांसाठी भरती करावयाची आहे. या पदांसाठी फेज 2 चा निकाल 01 जुलै 2020 रोजी जाहीर करण्यात आला होता. (the final result of the manager recruitment exam is released, do the check result)

झोननुसार निकाल जारी

या भरतीसाठी वेगवेगळ्या झोनमध्ये परीक्षा घेण्यात आल्या होत्या. त्यामुळे निकालही वेगवेगळ्या झोननुसार जारी केले गेले आहेत. परिणामी अधिकृत वेबसाईटवर अपलोड केले गेले आहेत. उमेदवारांची झोननिहाय निवड यादी fci.gov.in वर अपलोड केली गेली आहे. एफसीआय मॅनेजर 2021 फेज 2 ची परीक्षा 23 फेब्रुवारी 2021 रोजी घेण्यात आली आणि कागदपत्र पडताळणी पूर्व विभागासाठी 14 ते 17 डिसेंबर 2020 पर्यंत, पश्चिम विभागासाठी 22 आणि 23 डिसेंबर 2020, उत्तर पूर्व विभागासाठी 16 आणि 17 डिसेंबर 2020, दक्षिण विभागासाठी 14 ते 18 डिसेंबर 2020 या काळात आणि उत्तर विभागासाठी 14 ते 19 डिसेंबर 2020 आणि 21 ते 24 डिसेंबर 2020 या कालावधीत करण्यात आली.

रिक्त पदे

या भरती प्रक्रियेद्वारा मॅनेजर (जनरल), मॅनेजर (डेपो), मॅनेजर (मुव्हमेंट), मॅनेजर (अकाउंट्स), मॅनेजर (टेक्निकल), मॅनेजर (सिव्हिल इंजिनीअरिंग), मॅनेजर (हिंदी) आणि मॅनेजर (मेकॅनिकल इंजिनिअरिंग) पदांवर भरती समाविष्ट आहे. यामध्ये वेगवेगळ्या झोनसाठी वेगवेगळ्या जागा निश्चित केल्या आहेत. पूर्व विभागात 37 जागा, उत्तर विभागात 187, पश्चिम विभागात 15, दक्षिण विभागात 65 आणि उत्तर-पूर्व विभागातील 26 जागांवर निर्णय घेण्यात आला आहे.

झोननिहाय निकाल डाऊनलोड कसा कराल?

– अधिकृत वेबसाईट.fci.gov.in वर जा.
– मुख्यपृष्ठावर उपलब्ध असलेल्या सध्याच्या भरती विभागावर क्लिक करा.
– त्यानंतर कॅटेगरी 2 वर क्लिक करा.
– आपल्या झोनवर क्लिक करा.
– एफसीआय मॅनेजर अंतिम निकाल 2021 मुख्यपृष्ठावर दिसेल.
– ‘To check the Final Exam Results in reference to Advt.No.02/2019-FCI Cat-II’ या लिंकवर क्लिक करा.
– पीडीएफ ओपन होईल. मग ती डाऊनलोड करा. (the final result of the manager recruitment exam is released, do the check result)

इतर बातम्या

मोठी बातमी! 1 एप्रिलपासून कामाचे तास, सुट्ट्या, पेन्शन आणि पीएफमध्ये बदल होणार, जाणून घ्या

Tarini | तारिणीच्या ‘त्या’ 6 धाडसी महिलांची कथा रुपेरी पडद्यावर, केंद्रीय मंत्र्याची लेक झळकणार मुख्य भूमिकेत!