केंद्रीय लोकसेवा आयोगाने (UPSC) नागरी सेवा मुख्य परीक्षेसाठी प्रश्नपत्रिका जाहीर केली आहे. या परीक्षेला बसलेले उमेदवार यूपीएससी – upsc.gov.in या अधिकृत संकेतस्थळावर जाऊन पेपर डाऊनलोड करू शकतात. या रिक्त जागेसाठी परीक्षा सुरू आहेत. 16 सप्टेंबर ते 25 सप्टेंबर या कालावधीत या परीक्षा होणार आहेत. दरम्यान यूपीएससी सीएसई 2022 (UPSC CSE 2022) परीक्षांचा 16 आणि 17 सप्टेंबर रोजी होणारा पेपर जाहीर झालाय. यूपीएससीने जारी केलेल्या अधिसूचनेनुसार नागरी सेवा मुख्य परीक्षा 16, 17, 18,24 आणि 25 सप्टेंबर रोजी घेण्यात येणार आहे. या परीक्षेला बसणारे उमेदवार खाली दिलेल्या स्टेप्स फॉलो करून प्रश्नपत्रिका डाउनलोड (Question Paper Download) करू शकतात.
यूपीएससी नागरी सेवांवर आधारित भरती प्राथमिक परीक्षा, मुख्य परीक्षा आणि वैयक्तिक मुलाखती या तीन टप्प्यांमध्ये आयोजित केल्या जातात.
जे उमेदवार सीएसई मुख्य परीक्षा उत्तीर्ण होतील त्यांना वैयक्तिक मुलाखतीसाठी बोलावले जाईल. मुलाखतीतील उमेदवारांच्या कामगिरीच्या आधारे यूपीएससी नंतर नागरी सेवांचा निकाल जाहीर करते.
त्यानंतर यूपीएससी नागरी सेवा परीक्षा उत्तीर्ण झालेल्यांना आयएएस, आयएफएस, आयआरएस, आयपीएस आणि इतर प्रीमियम सरकारी पदांवर नियुक्त केले जाते.
यूपीएससीने मुलाखतीचे वेळापत्रक आणि यूपीएससी नागरी सेवा 2022 चा निकाल जाहीर करण्याची वेळ आणि तारीख जाहीर केलेली नाही.
संघ लोकसेवा आयोगाकडून General Studies चा पेपर जाहीर करण्यात आलाय. आतापर्यंत झालेल्या परीक्षांमध्ये General Studiesच्या पेपरचे चार संच जाहीर झाले आहेत. उमेदवार थेट वेबसाइटवरून पेपर डाउनलोड करू शकतात.
या परीक्षेत निबंधाचे 8 विषय दोन विभागात विभागले गेले होते, त्यापैकी उमेदवारांना प्रत्येकी एक निवडताना 3 तासांत दोन विषयांवर लिहिण्यास सांगण्यात आले. उमेदवारांना प्रत्येक निबंधासाठी सुमारे 1000-1200 शब्दात उत्तरे द्यावी लागत होती. उमेदवारांना वेबसाइटला भेट देऊन तपशील तपासण्याचा सल्ला देण्यात आला आहे.