लग्झरी हॉटेल, 2 किलो सोने, 14 किलो चांदी, महागडी दारू, कोट्यवधीची जमीन… सरकारी अधिकाऱ्याची काळी कमाई
घरातून सुमारे दोन किलो सोन्याचे दागिने, 13.70 किलो चांदीचे दागिने आणि सुमारे 3 लाख रुपयांची रोकड सापडली आहे. घरात 100 हून अधिक महागड्या दारूच्या बाटल्या मिळाल्या. याशिवाय बँक लॉकरची माहिती मिळाली.
ACB Action in Udaipur: सरकारी अधिकाऱ्यांचा मोठा थाट असतो. त्यात वर्ग एकचे अधिकारी असल्यास त्यांना घसघशीत पगारासोबत लग्झरी सुविधाही मिळत असतात. त्यानंतरही काही अधिकारी सरकारकडून मिळालेल्या पदाचा गैरवापर करत काळी कमाई करत असतात. लाचलुचपत प्रतिबंधक विभागाने (एसीबी) टाकलेल्या छाप्यात विभागीय ग्राहक संरक्षण अधिकारी जयमलसिंग राठोड यांच्याकडे संपत्तीचा खजीना मिळाला. त्याच्याकडे पत्नीचा नावार 26 खोल्यांचे चार मजली लग्झरी हॉटेल, घरात 2 किलो सोन्याचे दागिणे, 14 किलो चांदी, महागडी दारू, कोट्यवधीची जमिनीचे कागदपत्रे मिळाली. राजस्थानमधील उदयपूरमध्ये विभागीय ग्राहक संरक्षण अधिकारी म्हणून जयमलसिंग राठोड कार्यरत आहे. आता त्याला अटक करण्यात आली आहे.
एससीबीने जयमल सिंह राठौड याच्या उदयपूर, भीलवाडा येथील चार ठिकाणांवर छापेमारी केली. तसेच त्याच्या जन्मगावीसुद्धा एसीबीची टीम पोहचली. त्यानंतर त्याने कमवलेली संपत्ती पाहून अधिकाऱ्यांचे जणू डोळेच फाटाले.
अशी संपत्ती मिळाली
आरोपी जयमलसिंग राठोड व त्याच्या कुटुंबियांच्या नावे अनेक ठिकाणी संपत्ती मिळाली. उदयपूर येथील सरदारपुरात पाच निवासी भूखंड, मदार बडगाव येथील एक निवासी भूखंड, सिसरमा येथील सुमारे शेतजमीन, आलिशान चार चारचाकी महागडी वाहने, उदयपूर येथील सरदारपुरा घरातून सुमारे दोन किलो सोन्याचे दागिने, 13.70 किलो चांदीचे दागिने आणि सुमारे 3 लाख रुपयांची रोकड सापडली आहे. घरात 100 हून अधिक महागड्या दारूच्या बाटल्या मिळाल्या. याशिवाय बँक लॉकरची माहिती मिळाली. ते अद्याप उघडले नाही. तसेच मनविलास रिसॉर्ट, आरोपीची पत्नी अनुराधा आणि मुलगा हनुतसिंग यांच्या नावावर आठ हजार स्क्वेअर फूट जागेवर चार मजली आणि 26 खोल्यांचे आलिशान हॉटेल बांधले आहे. त्यामध्ये रुफटॉप रेस्टॉरंटही चालवले जाते. राठोड याने या हॉटेलमध्ये कोट्यवधी रुपयांची गुंतवणूक केली आहे. तसेच वन्य प्रण्याचे अवशेष मिळाले आहे.
जयमलसिंग राठोडकडे उत्पन्नापेक्षा जास्त संपती
जयमलसिंग राठोड याने त्यांच्या सेवेच्या कार्यकाळात कोट्यवधी रुपयांच्या अनेक चल आणि जंगम मालमत्ता भ्रष्ट मार्गाने मिळवली आहे. ही संपत्ती त्याच्या वैध उत्पन्नापेक्षा जास्त आहे. तसेच राठोड आणि त्याच्या कुटुंबियांनी अनेक बेनामी मालमत्तांमध्ये गुंतवणूक केल्याचे पुरावे सापडले आहेत.
