Video: अर्रsss! गप्पागोष्टी करत मैत्रिणी निघाल्या, एकीला कारने उडवलं, दोघी थोडक्यात वाचल्या
Akola Accident News : तिघींपैकी एक तरुणी पुढे गेली. तिला नेमकं घडलं काय हेच कळू शकलं नाही.
अकोला : अंगावर काटा आणणारं भीषण अपघाताचं एक सीसीटीव्ही (Accident CCTV Video) फुटेज समोर आलंय. एका भरधाव कार तरुणींना चिरडते. रस्त्यावरुन चालणाऱ्या तरुणींच्या घोळक्याला समोरुन येऊन धडकणारी ही कार (Akola Accident News) कॅमेऱ्यात कैद झाली आहे. या अपघातानं उपस्थितांच्याही अंगावर काटा आणला होता. अकोला जिल्ह्यातल्या अकोट (Akot Car Accident Video) शहरात ही घटना घडली. या अपघातात एक तरुणी गंभीर जखमी झाली आहे. भरधाव कारनं फक्त तरुणींना नव्हे तर काही दुचाकींनाही चिरडलंय. पाच दुचाकींना धडक दिल्यानंतर ही भरधाव कार थेट तरुणींच्या अंगावर आली. स्वतःचा बचाव करण्याचाही वेळ या अपघातामध्ये तरुणींना मिळाला नाही. या घटनेत गंभीर जखमी झालेल्या तरुणीवर उपचार सुरु आहेत. सुदैवानं या अपघातात कोणतीही जीवितहानी झाली नाही. मात्र दुचाकींचं मोठं नुकसान झालंय.
हा अपघात अकोट शहरातील वर्दळीच्या ठिकणी घडला. नरसिंग मार्गावर एक कार भरधाव वेगानं आळी. रस्त्यानं पाणी जाणाऱ्या युवतींना या कारनं अक्षरशः चिरडलं. यातील एक तरुणीला तर थेट गाडीच्या बोनेटचा जोरदार धक्का बसला. ही तरणी रस्त्यावर वेगानं फेकली गेल्याचं सीसीटीव्ही व्हिडीओमध्ये दिसून आलंय. या अपघातात गंभीर जखमी झालेल्या तरुणीला तातडीनं रुग्णालयात दाखल करण्यात आलं असून तिच्यावर रुग्णालयात उपचार सुरु आहेत.
पाहा व्हिडीओ : ही दृश्य तुम्हाला विचलीत करु शकतात
या भीषण अपघातात कारने आधी दुचाकींना धडक दिली. त्या पाच दुकाकींचं मोठं नुकसान झालंय. सीसीटीव्ही व्हिडीओमध्ये तीन व्यक्ती दुकाना बाहेर एकमेकांशी बोलताना दिसतात. तर रस्त्याच्या दुसऱ्या बाजूला एक रिक्षा पास होताना दिसते. त्यानंतर पाठीवर दप्तर घेऊन स्कार्फ बांधून निघालेल्या तीन तरुण रस्त्यावरुन चालताना दिसता. एक गाडी आपल्या दिशेने येतेय हे पाहून तिघींपैकी एक रस्त्याच्या कडेनं जाणारी तरुणी आपल्या दोन मैत्रिणींचा बचाव करण्याचा प्रयत्न करते. त्या दोघांनीही ती आतल्या बाजूला ढकलते. पण गाडीची धडक थेट या तरुणीलाच बसते. ही तरुणी कारच्या बोनेटवरुन रस्त्यावर दूर फेकली जाते. ही थरारक घटना सीसीटीव्ही कॅमेऱ्यात कैद झाली आहे.
यानंतर तिघींपैकी एक तरुणी पुढे गेली. तिला नेमकं घडलं काय हेच कळू शकलं नाही. तर मधून चालणाऱ्या तरुणीला मोठा धक्का बसला. जोरात तिनं ओरडून मागे पाहिलं आणि ती मैत्रिणीच्या मदतीला धावल्याचं दिसून आलंय. यानंतर रस्त्यावर सगळ्यांनी मदतीसाठी जखमी मुलीच्या दिशेनं धाव घेतली.
चालकाला अटक
कार चालकाचं वेगावरील नियंत्रण सुटल्यामुळे हा अपघात घडला. दरम्यान, या अपघातानंतर वाहतूक पोलिसांनी कार चालकाला ताब्यात घेतलंय. त्याच्यावर सध्या रुग्णालयात उपचार सुरु आहेत. भरधाव आणि बेजबाबदारपणे वाहन चालवण्यासोबत अन्य गुन्हे चालकविरोधात दाखल करण्यात आले असून सध्या कार चालकावर कारवाई केली जातेय.