Accident News : नवी मुंबईत बसची स्कूटीला धडक, मुलाचा जागीच मृत्यू
याप्रकरणी खांदेश्वर पोलीस ठाण्यात बसचालक शिव कैलास रामेश्वर यादव याच्या विरोधात गुन्हा दाखल करण्यात आला आहे.
रवी खरात, नवी मुंबई : बसने स्कुटीला (Bus Scooty accident) पाठीमागून जोराची धडक दिल्यामुळे मुलाचा जागीच मृत्यू झाला आहे. ही घटना पनवेल येथे घडली असून या प्रकरणी पोलिसांनी (navi mumbai police) बस चालकावरती गुन्हा दाखल केला आहे. मुलाचा जागीच मृत्यू झाल्याने अपघात पाहणाऱ्या लोकांनी ही माहिती पोलिसांना कळवली. मुलाच्या अंगावरुन बसचे चाक गेल्यामुळे त्याचा जागीचं मृ्त्यू झाल्याचे पोलिसांनी सांगितले. मुलाचा मृतदेह शवविच्छेदनासाठी (deadbody) जवळच्या रुग्णालयात दाखल करण्यात आला असून कायदेशीर प्रक्रिया पुर्ण झाल्यानंतर नातेवाईकांच्या ताब्यात देण्यात येणार आहे.
बसने त्याच्या स्कूटीला जोराची धडक मारली
रिषवराज जीवेश झा असं अपघातामध्ये मृत्यू झालेल्या मुलाचं नाव आहे. मागून आलेल्या बसने त्याच्या स्कूटीला जोराची धडक मारली. त्यानंतर तो खाली कोसळला. त्याचवेळी बसचं चाक त्यांच्या अंगावरुन गेलं असल्याची माहिती मिळाली आहे. त्यानंतर काही वेळात पोलिसांचा ताफा तिथं दाखल झाला. पोलिसांनी परिस्थिती पाहिल्यानंतर तिथल्या काही प्रवाशांची चर्चा केली.
नवीन पनवेल फूड कोर्ट हॉटेल समोरील…
त्यानंतर मुलाचा मृतदेह जवळच्या रुग्णालयात शासकीय शवविच्छेदनासाठी दाखल करण्यात आला. याप्रकरणी खांदेश्वर पोलीस ठाण्यात बसचालक शिव कैलास रामेश्वर यादव याच्या विरोधात गुन्हा दाखल करण्यात आला आहे. नवीन पनवेल फूड कोर्ट हॉटेल समोरील रस्त्यावर सेक्टर 11 येथे स्कुटीला पाठीमागून मारल्यामुळे हा अपघात झाला आहे.
बस चाचणी करण्यात येणार…
अपघाताची बातमी मुलाच्या घरच्यांना समजल्यानंतर त्यांना मोठा धक्का बसला आहे. बस चाचणी करण्यात येणार आहे. त्याचबरोबर बसच्या चालकाची सुद्धा चौकशी करण्यात येणार असल्याचे पोलिसांनी स्पष्ट केले आहे.
