Ganesh Naik Video : तर माझ्या अन् माझ्या मुलाच्या जीवाला धोका, गणेश नाईकांवर बलात्काराचा आरोप करणाऱ्या महिलेचा व्हिडीओ चर्चेत
माझ्या आणि माझ्या मुलाच्या जीवाला धोका आहे, अशी भीती भाजप नेते गणेश नाईकांवर बलात्काराचा आरोप करणाऱ्या महिलेने केला आहे. त्यांनी टीव्ही 9 मराठीशी संवाद साधला. तसेच त्यांचा एक व्हिडीओही चर्चेत आहे.
मुंबईः माझ्या आणि माझ्या मुलाच्या जीवाला धोका आहे, अशी भीती भाजप नेते गणेश नाईकांवर बलात्काराचा आरोप करणाऱ्या महिलेने केला आहे. त्यांनी टीव्ही 9 मराठीशी संवाद साधला. तसेच त्यांचा एक व्हिडीओही चर्चेत आहे. ऐरोलीचे आमदार गणेश नाईक (Ganesh Naik) यांच्याविरोधात नेरुळ पोलीस (Nerul Police) ठाण्यात बलात्काराचा गुन्हा दाखल करण्यात आलाय. दीपा चौहान या महिलेने गणेश नाईक यांच्यावर लैंगिक अत्याचाराचा आरोप केलाय. त्यानंतर नाईक यांच्याविरोधात तसेच राज्य महिला आयोगाकडेही (State Women Commission) या महिलेने तक्रार केली आहे. त्यानंतर महिला आयोगाच्या अध्यक्षा रुपाली चाकणकर यांनी नाईकांच्या अटकेचे आदेश दिले होते. या पार्श्वभूमीवर आता नाईक यांच्या डोक्यावर अटकेची टांगती तलवार आहे. पोलिसांकडून नाईकांचा शोध सुरू आहे. नाईक यांचे घर, कार्यालय आणि मुरबाडमधील फार्म हाऊसवरही त्यांनी शोध घेतल्याची माहिती मिळतेय.
नाईकांवरील आरोप काय?
गणेश नाईक यांच्यावर दीपा चौहान यांनी गंभीर आरोप केलेत. गेली 27 वर्षे मी नाईक यांच्या संपर्कात आणि संबंधात होते. नाईक हे मला नुसते आश्वासन द्यायचे. आमच्या संबंधातून मला एक मुलगाही आहे. नाईकांनी मला आश्वासन दिले होते की, मुलगा पाच वर्षांचा झाल्यानंतर मी वडील म्हणून त्याला नाव देईन. मात्र, त्यांनी तसे केले नाही. नाईकांनी आम्हाला कोणतेच आर्थिक पाठबळ दिले नाही. नाईक यांच्यासोबत मी पूर्वी संबंधात होते. त्या संबंधातून मुलगा झाल्यानंतर त्यांनी माझ्यावर अनेकवेळा जबरदस्तीही केली. माझे लैंगिक शोषण केले, असा आरोप त्यांनी केलाय.
मुलाच्या जीवाला धोका…
भाजप आमदार गणेश नाईक यांनी ठाणे सत्र न्यायालयात अटकपूर्व जामिनासाठी अर्ज केलाय. गणेश नाईकांना अटकपूर्व जामीन भेटला, तर माझ्या आणि माझ्या मुलाच्या जीवाला धोका आहे. ते माझे अपहरणकरून माझ्याकडून काहीही लिहून घेऊ शकतात. यासाठी मला जनतेच्या सहकार्याची गरज असल्याची विनंती पीडित महिलेने व्हिडीओद्वारे केलीय.
नाईकांनी खरे सांगावे…
पीडित महिला म्हणतात की, एवढ्या मोठ्या नेत्यावर मी आरोप केले. आता त्यांनी समक्ष येऊन त्यांनी हे काय आणि कसे आहे ते सांगायला पाहिजे. त्यांनी भूतकाळात जे केले, ते जनतेसमोर येऊन समक्ष सांगितले पाहिजे. आता त्यांच्यावर अटकेचे वॉरंटही निघाले आहे. तर ते बेपत्ता आहेत. त्यामुळे त्यांनी पुढे यावे आणि काय ते सांगावे. मला माझ्या मुलाला न्याय हवा आहे. त्यासाठी माझा लढा सुरू आहे.
इतर बातम्याः
Mirza Ghalib | जगण्याचं तत्वज्ञान मलमली भाषेत सांगणाऱ्या असदुल्लाह-ख़ाँ-‘ग़ालिब’ का पता…!
