मेव्हणीवर भावोजीचा जीव जडला, पण…; मग त्याने जे केले ते पाहून सर्वच हादरले !

कर्ज फेडण्यासाठी पिझ्झा शॉपमध्ये चोरी

लखीसराय : मेव्हणी आणि भावोजीमध्ये अनैतिक प्रेमसंबंध जडले होते. पण पत्नी या प्रेमसंबंधात अडथळा ठरत होती. म्हणून पतीने जे केले ते पाहून सर्वच हादरले. पत्नी झोपेत असताना पतीने तिच्यावर गोळी झाडून तिची हत्या केली. बिहारमधील लखीसराय जिल्ह्यात ही धक्कादायक घटना घडली. याप्रकरणी पोलिसांनी पती, मेव्हणी आणि मुलगा या तिघांना अटक केली आहे. घटनेच्या चार तासाच्या आत पोलिसांनी गुन्ह्याचा छडा लावत आरोपींना अटक केली. राजेंद्र मंडल, सुमन भारती आणि सौरव अशी अटक केलेल्या आरोपींची नावे आहेत. पोलिसांनी हत्येसाठी वापरलेला देशी कट्टा आणि खोकाही जप्त केला आहे.

अनैतिक संबंधात अडथळा ठरत असल्याने हत्या

मयत सुधाश्री मंडल ही मुंगेरच्या धरहरा येथे एएनएमच्या पदावर कार्यरत होती. तिचा पती राजेंद्र मंडल आणि बहिण सुमन भारती यांच्यात अनैतिक संबंध होते. या संबंधाला सुधाश्रीचा विरोध होता. यामुळे सुधाश्रीला आपल्या मार्गातून दीर करण्यासाठी पती, बहिण आणि मुलाने तिच्या हत्येचा कट रचला. पती रात्री गाढ झोपेत असताना पहाटे तिच्यावर गोळी झाडली. यात पत्नीचा जागीच मृत्यू झाला. पत्नीच्या मृत्यूनंतर तिची संपत्ती मुलगा सौरवच्या नावे करण्यात येणार होती.

पोलीस चौकशीत आरोपींकडून गुन्ह्याची कबुली

कजरा पोलिसांना पहाटे 3 वाजता राजेंद्र मंडलच्या घरी गोळीबार झाल्याची माहिती मिळाली. पोलिसांनी तात्काळ घटनास्थळी धाव घेत पाहिले असता घरात सुधाश्रीचा मृतदेह रक्ताच्या थारोळ्यात पडला होता. पोलिसांनी मृतदेह ताब्यात घेत शवविच्छेदनासाठी रुग्णालयात पाठवला. पोलिसांनी घरी उपस्थित पती, बहिण आणि मुलाची कसून चौकशी केली असता घटना उघडकीस आली. यानंतर पोलिसांनी तिन्ही आरोपींना अटक केली आहे.