प्रियकराला रात्री घरी बोलावले, मग जे घडलं त्याने अख्ख गाव सुन्न झालं !

मुजफ्फरपूर : अनैतिक संबंधातील त्रासाला कंटाळून प्रेयसीनेच प्रियकराचा काटा काढल्याची धक्कादायक घटना बिहारमधील मुजफ्फरपूर येथे घडली. महिलेने प्रियकराला घरी बोलावले, मग त्याला बेदम मारहाण केली. नंतर त्याची हत्या केली आणि मृतदेह शेतात पुरला. यानंतर महिलेने स्वतः पोलीस ठाण्यात दाखल होत गुन्ह्याची कबुली दिली. घटनेची माहिती मिळताच पोलिसांनी घटनास्थळी दाखल होत मृतदेह जमिनीतून बाहेर काढला. मृतदेह शवविच्छेदनासाठी रुग्णालयात पाठवत पुढील तपास सुरु केला आहे. प्रमोद कुमार असे मयत प्रियकराचे नाव आहे. महिला आणि मयत युवक दोघेही विवाहित आहेत.

चार वर्षांपासून सुरु होते प्रेमसंबंध

आरोपी महिलेचा 10 वर्षांपूर्वी विवाह झाला असून, तिला तीन मुलंही आहेत. महिलेचा पती नोकरीनिमित्त बाहेर असतो. मयत प्रमोद कुमारचा दीड वर्षापूर्वी विवाह झाला आहे. दोघांमध्ये चार वर्षांपासून अनैतिक प्रेमसंबंध सुरु होते. काल रात्री 1 वाजता प्रमोदकुमार महिलेच्या घरी तिला भेटायला गेला होता. यावेळई दोघांमध्ये काही कारणातून वाद झाला. या वादातून महिलेने त्याची हत्या केली.

अन्य आरोपी फरार, पोलिसांकडून शोध सुरु

हत्येनंतर मृतदेह शेतात पुरत असताना गावातील एका व्यक्तीने पाहिले. त्या व्यक्तीने पोलिसांना याची माहिती दिली. दरम्यान महिलेने स्वतः पोलीस ठाण्यात हजर होत आपण प्रियकराची हत्या केल्याची कबुली दिली. पोलिसांनी तात्काळ घटनास्थळी धाव घेत मृतदेह ताब्यात घेतला. प्रमोद खूप त्रास द्यायचा म्हणून आपण त्याला संपवल्याचे महिलेने पोलिसांना सांगितले. हत्याकांडात महिलेव्यतिरिक्त 5 ते 7 जणांचा सहभाग असून, सर्व जण फरार आहेत. पोलीस फरार आरोपींचा शोध घेत आहेत. पोलिसांनी महिलेला अटक केली आहे.