पती बाहेर असण्याचा पत्नी फायदा घेत होती, एकेदिवशी भांडाफोड झाला; नंतर जे घडलं ते धक्कादायक होतं !
पती मजुरीचे काम करायचा. चार पैसे कमावण्साठी घरापासून दूर राहत होता. मात्र पत्नी याच गोष्टीचा फायदा घेत होती आणि नको ते करत होती. पण अखेर पतीच्या समोर ही बाब आलीच.
सीधी : मध्य प्रदेशात एक हैराण करणारी घटना उघडकीस आली आहे. पत्नीच्या अनैतिक संबंधामुळे संतापलेल्या पतीने तिच्या प्रियकराची हत्या केल्याची धक्कादायक घटना सीधी जिल्ह्यात घडली आहे. याप्रकरणी पोलिसांनी आरोपी पतीला अटक केली आहे. घटनेची माहिती मिळताच पोलिसांनी घटनास्थळी धाव घेत मृतदेह ताब्यात घेत शवविच्छेदनासाठी रुग्णालयात पाठवला. मयत हा आरोपीचा शेजारी असून, गेल्या अनेक दिवसापासून त्याचे आरोपीच्या पत्नीशी अनैतिक संबंध सुरु होते. मात्र आरोपी याबाबत अनभिज्ञ होता. अखेर ही बाब पतीच्या समोर आली आणि त्याचा संताप अनावर झाला. आरोपी मजुरीचे काम करतो. दादूलाल बैगा असे आरोपीचे नाव आहे.
पत्नीचे शेजाऱ्यासोबत अनैतिक संबंध होते
दादूलाल बैगा हा मजुरीच्या कामानिमित्त घराबाहेर असायचा. याचाच गैरफायदा घेत त्याच्या पत्नीचे शेजाऱ्यासोबत अनैतिक संबंध सुरु होते. मात्र पतीला याबाबत काहीच माहिती नव्हती. गुरुवारी रात्री 12 वाजता पती अचानक घरी परतला. घरामध्ये शिरताच पत्नीला शेजाऱ्यासोबत नको त्या अवस्थेत पाहून पतीला संताप अनावर झाला. यानंतर त्याने घरातील धारदार हत्याराने पत्नीचा प्रियकर राजरुप बैगावर जीवघेणा हल्ला केला.
पोलिसांकडून आरोपी अटक
या हल्ल्यात राजरुप गंभीर जखमी झाला. गंभीर अवस्थेत कसातरी तो त्याच्या घराजवळ पोहचला. त्याचा विव्हळण्याचा आवाज ऐकून त्याची आई घराबाहेर आली. राजरुपने आईला हल्ल्याची माहिती दिली. यानंतर त्याचा मृत्यू झाला. पोलिसांना घटनेची माहिती देण्यात आली. पोलिसांनी तात्काळ घटनास्थळी दाखल होत मृतदेह ताब्यात घेतला. पोलिसांनी आरोपीला अटक केली असून, पुढील तपास सुरु आहे.
