लग्न झालं नसताना परदेशात प्रेग्नेंट झाली, भारतात मुलं झालं, पण पुढे तिला जेलमध्ये जावं लागलं, कारण…
परदेशात असताना तिचे प्रेमप्रकरण जुळले. मग सर्व भान विसरुन त्याच्याशी शरीरसंबंधही ठेवले. भारतात परतताच त्या दोघांच्या प्रेमाचा अंकुर तिच्या पोटात वाढत असल्याचे कळले. मग कुमारी माता म्हणून बदनामी होईल या भीतीने तिने जे केले ते भयानक होते.
अहमदाबाद : गुजरातमधील अहमदाबादमध्ये एक धक्कादायक घटना उघडकीस आली आहे. घटना उघड होताच पोलिसांसह सर्वच चक्रावले. एका तरुणीने आपल्या नवजात मुलीला इमारतीच्या दहाव्या मजल्यावरुन खाली फेकल्याची घटना उघडकीस आली आहे. याप्रकरणी पोलिसांनी आरोपी तरुणीला अटक केली आहे. अहमदाबादमधील चंद्रखेडामध्ये ही धक्कदायक घटना घडली आहे. तरुणी कुमारी माता आहे. यामुळेच बदनामी टाळण्यासाठी तिने हे कृत्य केल्याचे पोलीस तपासात निष्पन्न झाले आहे. या घटनेमुळे सर्वांनाच धक्का बसला आहे.
तरुणी काही कालावधीसाठी परदेशात गेली होती
सदर तरुणी ही अहमदाबादमधील चंद्रखेडा येथील रहिवासी असून, ती काही कालावधीसाठी परदेशी गेली होती. तिथे तिचे एका तरुणासोबत प्रेमसंबंध जुळले. प्रेमसंबंधातून दोघांमध्ये शारीरिक संबंधही झाले. यानंतर तरुणी भारतात परत आली. अहमदाबाद येथे आपल्या घरी परतल्यानंतर तिला आपण गरोदर असल्याचे समजले. यानंतर ती हैराण झाली.
परदेशातून आल्यानंतर तिने मुलीला जन्म दिला
काही महिन्यांनी तिने एका मुलीला जन्म दिला. मुलीच्या जन्मानंतर कुमारी माता म्हणून आपली बदनामी होईल या भीतीने तिने नवजात मुलीला राहत्या इमारतीच्या दहाव्या मजल्यावरुन खाली फेकले. इमारतीखाली नवजात बालिकेचा मृतदेह आढळल्याने परिसरात एकच खळबळ उडाली. नागरिकांनी पोलिसांनी याबाबत माहिती दिली. पोलिसांनी घटनास्थळी दाखल होत मुलीचा मृतदेह ताब्यात घेत घटनेचा तपास सुरु केला.
बदनामीच्या भीतीने मुलीला फेकले
बराच तपास केल्यानंतर पोलिसांना अखेर प्रकरणाचा सुगावा लागला. पोलिसांनी आरोपी तरुणीचा शोध घेत अखेर तिला ताब्यात घेतले. तरुणीची चौकशी केली असता तिने गुन्ह्याची कबुली दिली. परदेशात प्रियकराशी शारीरिक संबंधातून आपण गरोदर राहिल्याने बदनामीच्या भीतीने आपण हे कृत्य केल्याचे कबुल केले.
