पती-पत्नीमध्ये पैशावरुन वाद झाला, मग पत्नीने जे केले ते पाहून पोलीसही चक्रावले !
पती-पत्नीमध्ये नेहमी पैशावरुन वाद व्हायचे. एक दिवस हा वाद विकोपाला गेला. मग जे घडलं ते पाहून सर्वांनाच धक्का बसला.
कोलकाता : पती-पत्नीमध्ये नेहमी छोट्या-मोठ्या कारणातून वाद होत असतात. कधी हे वाद सामोपचाराने मिटतात, तर कधी कधी भयंकर वळण घेतात. अशीच एक भयंकर घटना पश्चिम बंगालमध्ये उघडकीस आली आहे. पती-पत्नीमध्ये दररोज पैशावरुन वाद व्हायचे. हे वाद विकोपाला गेले अन् जे घडलं ते पाहून पोलीसही चक्रावून गेले. पती-पत्नीमध्ये नेहमीप्रमाणे वाद सुरु होता. वाद वाढत गेला आणि संतापलेल्या पत्नीने धारदार वस्तू घेतली आणि थेट पतीचे गुप्तांगच कापले. मुर्शिदाबाद परिसरात ही घटना घडली. नुरुल इस्लाम आणि नर्गिस परवीन अशी पती-पत्नीची नावे आहेत. पतीला गंभीर जखम झाली असून, त्याच्यावर रुग्णालयात उपचार सुरु आहेत.
पैशावरुन पती-पत्नीमध्ये दररोज वाद व्हायचे
महिलेच्या या कृत्यामुळे कुटुंबीयही हैराण झाले आहेत. क्षुल्लक कारणातून पती-पत्नीमध्ये झालेल्या वादातून महिलेने टोकाचे पाऊल उचलल्याने कुटुंबीयांनी महिलेला शिक्षेची मागणी केली आहे. घटनेमुळे संपूर्ण परिसरातही एकच खळबळ माजली आहे. पती-पत्नीमध्ये लग्न झाल्यापासूनच पैशावरुन रोज वाद व्हायचे. मात्र या वादाचा असा भयानक अंत होईल असे स्वप्नातही कुणाला वाटलं नसेल.
आरोपी पत्नीला पोलिसांकडून अटक
सोमवारी सकाळी नुरुल कामावरुन घरी आल्यानंतर पती-पत्नीमध्ये वाद सुरु झाला. वाद वाढत गेला आणि पत्नीला संताप अनावर झाला. संतापाच्या भरात तिने चाकू घेतला आणि पतीचे गुप्तांगच कापले. नुरुल घरच्यांनी तात्काळ कांदी उपजिल्हा रुग्णालयात नेले. यानंतर कुटुंबीयांनी पोलिसात तक्रार दिली. पोलिसांनी आरोपी पत्नीला अटक केली आहे.
