तिच्या टार्गेटवर ‘त्या’ मॉडेलच असायच्या… हायप्रोफाईल सेक्स रॅकेटचा रेटही ठरलेला; प्रसिद्ध अभिनेत्रीला अटक
मुंबईत आणखी एका सेक्स रॅकेटचा पर्दाफाश झाला आहे. या प्रकरणी पोलिसांनी एका भोजपुरी अभिनेत्रीला अटक केली आहे. ही अभिनेत्री ग्राहकांना मॉडेल्स पुरवण्याचं काम करायची.
मुंबई : टीव्ही अभिनेत्री आरती मित्तल हिला हायफाय सेक्स रॅकेटप्रकरणी अटक केलेली असतानाच पोलिसांनी आता दुसऱ्या सेक्स रॅकेटचा पर्दाफाश केला आहे. हायफाय सेक्स रॅकेट चालवणाऱ्या एका भोजपुरी अभिनेत्रीला पोलिसांनी अटक केली आहे. ही अभिनेत्री ग्राहकांना मॉडेल्स पुरवायची. ज्या मॉडेल्स मुंबईत सिनेमात करिअर करायला यायच्या त्यांनाच ती टार्गेट करायची. त्यांच्या मजबुरीचा फायदा घेत त्यांना वेश्या व्यवसायात ढकलायची अशी धक्कादायक माहिती पुढे आली आहे. त्यामुळे खळबळ उडाली आहे. पोलिसांनी या भोजपुरी अभिनेत्रीसोबत दलालांनाही अटक केली आहे.
सुमन कुमारी असं या भोजपुरी अभिनेत्रईचं नाव आहे. ती दलाल म्हणून काम करत होती. मुंबई पोलिसांच्या सोशल सर्व्हिस ब्रँचने ही कारवाई केली आहे. अरे कॉलनीतील रॉयल पाम हॉटेलात सेक्स रॅकेट सुरू असल्याची माहिती पोलिसांना मिळाली होती. त्यामुळे पोलिसांनी या सुमन कुमारीकडे एक बनावट ग्राहक पाठवला. सुमनने त्याच्याशी डील केली. एका मॉडेलसाठी 50 हजार ते 80 हजार रुपये मागितले. त्यानंतर तिने या ग्राहकाला आरे कॉलनी येथील रॉयल पाम हॉटेलात पाठवलं. या ठिकाणी काही मॉडेल्स आधीच होत्या. यावेळी पोलिसांनी पैसे घेतानाच सुमन कुमारीला रंगेहाथ पकडलं. तसेच हॉटेलातून तीन मॉडेल्सची सुटकाही केली.
त्या मॉडेल्सला हेरायची
पोलिसांनी दिलेल्या माहितीनुसार सुमन कुमारी ही स्वत: मॉडेल आणि भोजपुरी अभिनेत्री आहे. ती ग्राहकांना मॉडेल्स सप्लाय करायची. ज्या मॉडेल्स मुंबईत सिनेमात करिअर करण्यासाठी आल्यावर आर्थिक तंगीतून जात होत्या, अशा मॉडेल्सला ती हेरायची. या मॉडेल्सला पैशांची गरज असायची. तसेच आपली लाइफस्टाईलही मेंटेन ठेवायची असायची. त्यांना मोठ्या पैशाचं अमिष दाखवून वेश्या व्यवसायात ढकलायची.
Maharashtra | A Bhojpuri actress Suman Kumari (24) has been arrested by Mumbai Police for allegedly forcing girls (models) into prostitution. Police also rescued 3 models. Further investigation is being done: Crime Branch, Mumbai police
— ANI (@ANI) April 21, 2023
भोजपुरी सिनेमात काम
हायप्रोफाईल सेक्स रॅकेटमध्ये दलाली करणारी सुमन कुमारीने भोजपुरी सिनेमात काम केलं आहे. लैला मजनू, बाप नंबरी बेटा दस नंबरी आदी भोजपुरी सिनेमात तिने काम केलं आहे. बूम ओटिटी चॅनलवरही तिने काम केलं आहे. सुमन कुमारी चांगली गायिकाही आहे. तिने हिंदी, पंजाबी आणि भोजपुरी भाषेत गाणी गायली आहेत.
सहा वर्षापासून मुंबईत
सुमन कुमारी गेल्या सहा वर्षापासून मुंबईत राहते. मात्र ती सेक्स रॅकेटमध्ये कधी आली याची माहिती मिळू शकलेली नाही. याबाबतचा तपास पोलीस करत आहेत. पोलीस तिच्या सोबतच्या आणखी एका दलालाचा शोध घेत आहे.
