Mumbai Murder | वादानंतर पोटच्या पोराचं डोकं हातोड्याने फोडलं, मुंबईत 52 वर्षीय आईला अटक

'मोक्ष' प्राप्तीचा येडा नाद, लेकरं बाळं, बायको जीवानीशी बाद, एकाच घरात 5 मृतदेह

मुंबई : पोटच्या मुलाची हत्या केल्या प्रकरणी मुंबईत 52 वर्षीय महिलेला अटक (Mother Kills Son) करण्यात आली आहे. दारु न आणल्यावरुन वाद घालत मुलाने आईला मारहाण केली होती. त्यानंतर तिने सख्ख्या मुलाला हातोड्याने मारुन त्याचा जीव घेतल्याचा आरोप आहे. मुंबईतील चेंबुर भागात (Mumbai Chembur Murder) गेल्या आठवड्यात ही घटना घडली होती.

काय आहे प्रकरण?

आरसीएफ पोलीस स्टेशनच्या अधिकाऱ्यांनी दिलेल्या माहितीनुसार वाशीनाका परिसरात शनिवारी रात्री उशिरा मायलेकामध्ये वाद घडला होता. लुर्थमेरी मुरगेशन (Lurthmary Murgeshan) असं आरोपी महिलेचं नाव आहे. तर प्रवीण मुरगेशन (Praveen Murgeshan) असं मयत मुलाचं नाव आहे.

नेमकं काय घडलं?

“आधी प्रवीणने तिला मारहाण केली, त्यानंतर आईने त्याचं डोकं हातोड्याने फोडलं. त्यानंतर घराबाहेर पडून तिने दरवाजा लॉक केला. आपला मुलगा बेपत्ता असल्याचं तिने एका मैत्रिणीला सांगितलं. उद्या त्याचा शोध घेऊया, असं सांगून ती मानखुर्द भागातील एका नातेवाईकाच्या घरी गेली. तिथे आरोपी लुर्थमेरीचा नवरा बसला होता. तोच बनाव तिने नवऱ्यासमोर केला. मात्र तिच्या बोलण्यावर विश्वास बसत नसल्याने त्याला संशय आला” अशी माहिती पोलिसांनी दिली.

सोमवारी दुपारी प्रवीणचे आई-वडील घरी परत आले. त्यावेळी प्रवीणचा मृतदेह रक्ताच्या थारोळ्यात पडलेला दिसला. पोलिसांना या घटनेची तातडीने माहिती देण्यात आली. त्यानंतर पोलिसांनी तपास करत प्रवीणची आई लुर्थमेरी मुरगेशन हिला मंगळवारी बेड्या ठोकल्या.

संबंधित बातम्या :

विवाहितेने अनैतिक संबंध तोडले, 24 वर्षीय शेजाऱ्याने तिच्या चिमुकल्याला बालदीत बुडवून मारलं

रिलेशनशीपनंतर लग्नाला नकार, प्रियकराने मॉलमध्ये भेटायला बोलवून प्रेयसीचा गळा आवळला

लग्नाला आला, जेवणावर ताव मारला आणि नववधूचे सहा लाखांचे दागिने उचलून पळाला