घरात लटकवलेली पँट चोरली, खिशातल्या एटीएम कार्डवरच आयता पिन नंबर सापडला, मग काय…

एटीएम कार्डाचा पासवर्ड सुद्धा कार्डासोबत लिहून ठेवलेला असल्यानं या महिलांनी एटीएम कार्ड वापरून लिंबाळे यांच्या अकाऊंटमध्ये असलेले सर्वच्या सर्व पैसे म्हणजे साडेआठ हजार रुपये काढून घेतले. त्यामुळे लिंबाळे यांचं मोठं नुकसान झालं आहे.

घरात लटकवलेली पँट चोरली, खिशातल्या एटीएम कार्डवरच आयता पिन नंबर सापडला, मग काय...
आरोपी भंगार विक्रेत्या महिला सीसीटीव्हीत कैद
Follow us
| Updated on: Sep 05, 2021 | 1:49 PM

अंबरनाथ : घरात लटकवलेली पँट भंगारवाल्या महिलांनी चोरून नेल्याची घटना ठाणे जिल्ह्यातील अंबरनाथ शहरात घडली आहे. या पँटमध्ये असलेला मोबाईल, रोख रक्कम, महत्त्वाची कागदपत्रं हेदेखील महिलांनी लंपास केलं. याशिवाय एटीएम कार्ड वापरुन बँक खात्यातील सर्वच्या सर्व म्हणजे साडेआठ हजार रुपयांची रोकडही काढून घेतली. चोरीची ही घटना सीसीटीव्हीत कैद झाली आहे.

घराच्या उघड्या दरवाजातून आत शिरल्या

अंबरनाथ पूर्वेच्या आंबेडकर नगर भागात शनिवारी सकाळी ही घटना घडली. सकाळी सात वाजताच्या सुमारास दोन भंगारवाल्या महिला या परिसरात फिरत होत्या. त्यावेळी त्यांचं लक्ष बाळासाहेब लिंबाळे यांच्या घराकडे गेलं. या घराचा दरवाजा उघडा असल्यानं महिला घरात शिरल्या. त्यांनी घरात जाऊन दरवाजाला लटवकलेली पॅण्ट चोरली आणि पोबारा केला.

ही सगळी घटना या परिसरात बसवण्यात आलेल्या सीसीटीव्ही कॅमेरात कैद झाली. या पँटमध्ये लिंबाळे यांचा मोबाईल, रोख रक्कम, एटीएम कार्ड आणि अन्य महत्त्वाची कागदपत्रं होती.

एटीएम कार्डवरच पासवर्ड लिहिणं महागात

धक्कादायक बाब म्हणजे एटीएम कार्डाचा पासवर्ड सुद्धा कार्डासोबत लिहून ठेवलेला असल्यानं या महिलांनी एटीएम कार्ड वापरून लिंबाळे यांच्या अकाऊंटमध्ये असलेले सर्वच्या सर्व पैसे म्हणजे साडेआठ हजार रुपये काढून घेतले. त्यामुळे लिंबाळे यांचं मोठं नुकसान झालं आहे.

महिलांचा शोध सुरु

यानंतर आता या महिलांना पकडण्याची मागणी लिंबाळे यांनी पोलिसांकडे केली आहे. तर पोलिसांनी लिंबाळे यांच्या तक्रारीनुसार या महिलांचा शोध सुरू केला आहे.

बदलापुरात दुकानातून मोबाईल चोरी

दुसरीकडे, बदलापुरात दुकानात मोबाईल विकत घेण्याच्या बहाण्याने चोरटा मोबाईल घेऊन पसार झाल्याची घटना घडली आहे. बदलापूर पश्चिमेला घडलेली ही घटनाही सीसीटीव्हीत कैद झाली आहे.

दोन मोबाईल चोरुन धूम

बदलापूर पश्चिमेला नीरज मिश्रा यांचं श्री गणेश इलेक्ट्रॉनिक्स नावाचं दुकान आहे. या दुकानात 1 सप्टेंबर रोजी एक चोरटा मोबाईल विकत घेण्यासाठी आला. त्याचा साथीदार दुकानाच्या बाहेरच गाडी चालू करून थांबला होता. यावेळी या चोरट्याने मोबाईल बघता बघता विवो कंपनीचे दोन मोबाईल घेऊन धूम ठोकली.
चोरीची घटना सीसीटीव्हीत कैद
यानंतर साथीदारासह तो बदलापूर स्टेशनच्या दिशेनं पळून गेला. हा चोरटा पळून जात असताना दुकानातल्या मुलाने त्याला पकडण्याचाही प्रयत्न केला. मात्र चोरटे पळून गेले. ही सगळी घटना सीसीटीव्हीत कैद झाली आहे. याप्रकरणी बदलापूर पश्चिम पोलीस ठाण्यात गुन्हा दाखल करण्यात आला असून अद्याप कुणालाही पकडण्यात पोलिसांना यश आलेलं नाही.
संबंधित बातम्या :
Non Stop LIVE Update
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच.
दिलीप वळसे पाटलांना गंभीर दुखापत, उपचार सुरु, काय घडलं? कशीये प्रकृती?
दिलीप वळसे पाटलांना गंभीर दुखापत, उपचार सुरु, काय घडलं? कशीये प्रकृती?.
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती
डॉक्टर, नर्सेस यांची इलेक्शन ड्युटी रद्द ; निवडणूक अधिकाऱ्यांची माहिती.