Car Accident | इंटरव्ह्यूहून परत येताना काळाचा घाला, कार दुभाजकाला धडकून आर्किटेक्टचा मृत्यू

पालघरमध्ये भीषण कार अपघात

Image Credit source: टीव्ही9

मोहम्मद हुसेन खान, टीव्ही9 मराठी, पालघर : मुंबई-अहमदाबाद महामार्गावर कारचा भीषण अपघात (Car Accident) झाला. या अपघातात तरुण वास्तुविशारदाचा मृत्यू (Architect) झाल्याची दुर्दैवी घटना समोर आली आहे. तर दोन सहप्रवासी गंभीर जखमी झाले आहेत. ढेकाळे गावच्या हद्दीतील वाघोबा खिंडीत हा अपघात झाला. भरधाव वेगातील अल्टो कार चालकाचे नियंत्रण सुटल्याने महामार्गाच्या दुभाजकाला धडकून अपघात झाल्याची माहिती आहे. मंगळवारी पहाटे दीड वाजताच्या सुमारास हा अपघात घडला. नोकरीची मुलाखत देण्यासाठी आर्किटेक्ट तरुण मुंबईला गेला होता, तिथून परत येताना काळाने घाला घातला.

नेमकं काय घडलं?

मुंबई अहमदाबाद महामार्गावर ढेकाळे गावच्या हद्दीतील वाघोबा खिंडीत पहाटे दीड वाजताच्या सुमारास अपघात झाला. भरधाव वेगातील अल्टो कार चालकाचे नियंत्रण सुटले. त्यामुळे गाडी महामार्गाच्या दुभाजकाला धडकली.

आर्किटेक्टचा मृत्यू, सहकारी जखमी

अपघातात कार चालक जिगर जैन याचा जागीच मृत्यू झाला, तर त्याचे दोन सहकारी गंभीर जखमी झाले आहेत. वास्तुविशारद असलेला जिगर नोकरीसाठी मुलाखत देण्यासाठी मुंबईला गेला होता. मुंबईवरून वापीच्या दिशेने परतीच्या मार्गावर असताना हा अपघात झाला.

जिगरचे कारवरील नियंत्रण सुटल्याने ती दुभाजकाला धडकून अपघात झाल्याची माहिती आहे. अपघातात भावेश देवराज मेस्त्री (वय 26 वर्ष) आणि उत्तम सैनी (वय 26 वर्ष) हे दोघे जण गंभीर जखमी झाले आहेत. त्यांच्यावर वापी येथील खाजगी रुग्णालयात उपचार सुरू आहेत.

संबंधित बातम्या :

Jalgaon Accident | अरुंद रस्त्यावर कारची धडक, दोघा बाईकस्वार तरुणांचा मृत्यू

मैत्रिणींसोबतची होळी ठरली शेवटची; प्रसिद्ध अभिनेत्रीचा अवघ्या 26 वर्षी अपघातात मृत्यू

ट्रकवर इनोव्हा धडकून भीषण अपघात, प्रसिद्ध नेत्ररोग तज्ज्ञाचं अख्खं कुटुंब मृत्युमुखी