Jalgaon Accident | अरुंद रस्त्यावर कारची धडक, दोघा बाईकस्वार तरुणांचा मृत्यू

Jalgaon Accident | अरुंद रस्त्यावर कारची धडक, दोघा बाईकस्वार तरुणांचा मृत्यू
जळगावात अपघात
Image Credit source: टीव्ही9

जळगावातील परवेज निसार खाटीक आणि आमीर जाकीर खाटीक या दोघांचा मृत्यू झाला. दोघे जण भुसावळ येथे कामानिमित्त गेले होते. शनिवारी सायंकाळी सात वाजताच्या सुमारास दूरदर्शन टॉवरच्या समोरच्या अरुंद रोडवर त्यांना अज्ञात वाहनाने जोरदार धडक दिली.

रवी गोरे

| Edited By: अनिश बेंद्रे

Mar 27, 2022 | 3:29 PM

जळगाव : कारच्या धडकेत दोघा दुचाकीस्वार तरुणांचा मृत्यू (Bike Accident) झाल्याची दुःखद घटना समोर आली आहे. जळगाव-भुसावळ रोडवरील (Jalgaon Bhusawal Road) दूरदर्शन टॉवरजवळ हा अपघात झाला. अज्ञात वाहनाने दुचाकीला दिलेल्या धडकेत शनिवारी दोघा जणांना प्राण गमवावे लागले. या अपघातामुळे रुग्णालय परिसरात नातेवाईकांनी एकच आक्रोश केला, तर रात्री उशिरापर्यंत रुग्णालय परिसरात गर्दी पहावयास मिळाली. तरुणांना दुचाकीने उडवल्यानंतर अज्ञात वाहन चालकाने घटनास्थळावरुन पलायन केले असून पोलिसांनी त्याचा शोध सुरु केला आहे.

नेमकं काय घडलं?

जळगावातील परवेज निसार खाटीक आणि आमीर जाकीर खाटीक या दोघांचा मृत्यू झाला. दोघे जण भुसावळ येथे कामानिमित्त गेले होते. शनिवारी सायंकाळी सात वाजताच्या सुमारास दूरदर्शन टॉवरच्या समोरच्या अरुंद रोडवर त्यांना अज्ञात वाहनाने जोरदार धडक दिली.

एकाचा जागीच मृत्यू, एकाचा उपचारादरम्यान

ही धडक इतकी जबरदस्त होती, की परवेज हा जागीच ठार झाला. तर, गंभीर जखमी झालेल्या आमीर याला जिल्हा रूग्णालयात दाखल करण्यात आले. मात्र उपचार घेत असतांना त्याने शेवटचा श्‍वास घेतला.

नातेवाईकांचा आक्रोश

अपघाताची माहिती मिळताच दोन्ही तरुणांच्या कुटुंबियांनी जिल्हा रुग्णालयात धाव घेतली. परिसरात नातेवाईकांचा आक्रोश ऐकायला मिळाला. तरुणांना दुचाकीने उडवल्यानंतर अज्ञात वाहन चालकाने घटनास्थळावरुन पलायन केले असून पोलिसांनी त्याचा शोध सुरु केला आहे.

संबंधित बातम्या :

मुंबई-आग्रा महामार्गावर ट्रॅव्हल्सने कारला नेले फरफटत; तिहेरी अपघातात 1 ठार, 2 गंभीर

विनाड्रायव्हरची गाडी पुणे-नाशिक महामार्गावर, गाडीचा हँडब्रेक लावायला विसरल्यास काय होतं? पाहाच

धावत्या बसखाली अचानक दुचाकी घुसली, एसटीने क्षणात घेतला पेट, प्रवासी बचावले, दुचाकीस्वार जखमी

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें