CCTV : 15 दिवसांच्या बाळाला फुटपाथवर सोडणारी निर्दयी आई! म्हणून तिनं चक्क मरीन ड्राईव्हच्या फुटपाथवर बाळाला सोडलं
Mumbai Crime CCTV : मरीन ड्राईव्ह पोलीस ठाण्याच्या ही घटना समोर आली होती. 6 मे रोजी ही घटना घडली
मुंबई : मुंबईच्या मरीन ड्राईव्ह पोलीस (Mumbai Police) ठाण्याच्या हद्दीत एक धक्कादायक घटना समोर आली आहे. एका महिलेनं आपल्या 15 दिवसांच्या बाळाला फुटपाथ ठेवून दिलं आणि ती निघून गेली. ही धक्कादायक घटना सीसीटीव्ही कॅमेऱ्यात (CCTV Video) कैद झाली आहे. अवघ्या 15 दिवसांच्या बाळाला वाऱ्यावर सोडणारी ही महिला सीसीटीव्ही कॅमेऱ्यात दिसून आली आहे. मरीन ड्राईव्ह पोलीस ठाण्याच्या हद्दीत चौपाटीवर असलेल्या एका बस स्टॉपच्या आडोशाला एक अज्ञात व्यक्ती आढळून आली होती. 15 दिवसांच्या एका बाळाला या बस स्टॉपवर एका महिलेनं बाळाला बेवारसपणे सोडून दिलं होतं. याबाबतची माहिती पोलिसांना मिळाल्यानंतर पोलिसांनी तत्काळ घटनास्थळी धाव घेतली होती. त्यानंतर मरीन ड्राईव्ह (Marine Drive Police) पोलिसांनी माणुसकी जपत नवजात बाळाला कुशीत घेतलं आणि त्याला पोलीस स्थानकात आणलं होतं.
पाहा व्हिडीओ :
मरीन ड्राईव्ह पोलीस ठाण्याच्या ही घटना समोर आली होती. 6 मे रोजी ही घटना घडली. बस स्टॉपच्या आडोशाला एक अज्ञात व्यक्ती साधारण 15 दिवसांच्या नवजात बाळाला ठेवून गेल्याची माहिती मुंबई पोलिसांच्या मरीन ड्राईव्ह पोलिसांना मिळाली. याची माहिती मिळाल्यानंतर तत्काळ महिला पोलीस उपनिरीक्षक मनिषा ढेकळे यांनी पोलीस पथकासह जाऊन त्या नवजात बाळाला कुशीत घेतलं आणि पोलिस स्टेशन मध्ये आणलं. यानंतर बाळाला औषधोपचार करून, बाल कल्याण समितीचे आदेश घेवून आशा सदन येथे ठेवण्यात आलं.
असं का केलं महिलेनं?
नवरा वयाने दुप्पट आणि पुढे शिकवणार की नाही या भितीने या आईने 15 दिवसांच्या बाळाला फुटपाथवर सोडलं होतं. सीसीटीव्ही फुटेजच्या मदतीनं पोलिसांनी याप्रकरणी आईला अटक केली आहे. अटकेत असलेली महिला ही मूळची बिहारची असून तिचा नवरा राजस्थान येथील अल्याचं पोलीस तपासात समोर आलंय.
पोलिसांना चर्चगेट रेल्वे स्थानकातील सीसीटीव्ही फुटेजमध्ये ही महिला आढळून आली होती. याचा धागा पकडून पोलिसांनी पुढील तपास करत या महिलेला शोधून काढत तिला अटक केली. 22 वर्ष वय असलेल्या या महिलेचं नाव सरोज सत्यनारायण सहारण असून या महिलेचा भाऊ आणि बाळाचा मामा असलेल्या राम सेवक यादव या 28 वर्षीय इसमालाही अटक केली आहे.