Mumbai-Goa Accident : लोअर परळहून गोव्यात जात होते, मुंबई-गोवा महामार्गावर भीषण अपघात! दोघे जागीच ठार
संतोष हरमलकर आणि त्यांची मुलगी आकांक्षा ही मुंबई-प्रभादेवी इथून गोव्याला जायला निघाले होते. आपल्या मूल गावी हरमल इथं जात असताना हा अपघात झाला.
सिंधुदुर्ग : मुंबई- गोवा महामार्गावर (Mumbai Goa Highway Accident) भीषण अपघात (Road Accident News) झाला. या अपघातात दोघांचा मृ्त्यू झाला असून दोघे जण गंभीर जखमी झाले आहेत. मृतांमध्ये कारचालकाचाही समावेश आहे. बुधवारी संध्याकाळी सहा वाजता हा अपघात झाला. लोअर परळमधील काही जण हे गोव्याला (Goa) जायला निघाले होते. या प्रवासादरम्यान, खासगी कारचा भीषण अपघात झाला. एका पुलाच्याक कठड्याला भरधाव कार आदळल्यानं ही अपघात झाला. या अपघातात दोघे ठार झाले असून चौघे जण जखमी झाले आहे. कारमधील काही प्रवासी हे मुंबईच्या प्रभादेवी तर काही प्रवासी हे अंधेरीतील असल्याचं कळतंय. आपल्या मूळ गावी देवदर्शनासाठी जाण्यासााठी कुटुंबीय निघाले होते. त्यादरम्यान, झालेल्या भीषण अपघातात दोघे ठार झाल्यानं कुटुंबीयांवर दुःखाचा डोंगर कोसळलाय. हा अपघात इतका भीषण होता की, कारचंही मोठं नुकसान झालंय.
नेमका अपघात कुठे झाला?
खासगी कारचा हा भीषण अपघात सिंधुदुर्ग जिल्ह्यात मुंबई गोवा महामार्गावर झाला. सिंधुदुर्गातील साळीस्ते जिल्हा परिषदेच्या शाळेसमोर असलेल्या डिव्हायडरमधील ओहोळावरील पुलावर कार धडकून हा अपघात झाला.
अपघातातील मृतांची नावं
- संतोष पांडुरंग हरमलकर, वय 48, प्रभादेवी
- सुधीर अर्जुन राणे, वय 56, अंधेरी
अपघातातील जखमींची नावं
- आकांक्षा संतोष हरमलकर, वय 23, प्रभादेवी
- दीप कासले, वय 21, मुंबई
कुठे निघाले होते?
संतोष हरमलकर आणि त्यांची मुलगी आकांक्षा ही मुंबई-प्रभादेवी इथून गोव्याला जायला निघाले होते. आपल्या मूल गावी हरमल इथं जात असताना हा अपघात झाला. सामोटे या पेडणे तालुक्यातील मूळ गावी ते जायला निघाले होते. हरमल इथं मंदिरात दर्शनाच्या उद्देशानं जायला निघाले असताना वाटेतच काळानं घाला घातला.
पाहा व्हिडीओ :
जखमींवर उपचार सुरु
दरम्यान, जखमी झालेल्यांना तातडीनं स्थानिकांच्या मदतीनं रुग्णालयात दाखल करण्यात आलं. पोलिसांनी स्थानिकांच्या मदतीने अपघातस्थळी बचावकार्य केलंय. कारमधील दीप आणि आकांक्षा यांना गंभीर दुखापत झाली आहे. आकांक्षाच्या डोक्याला तर दीप याच्या पायास जबर मार अपघातात बसलाय. सध्या त्यांच्यावर रुग्णालयात उपचार सुरु आहेत.
मुंबई गोवा महामार्ग हा आता चौपदरी होत असल्यानं या महामार्गावर वेगाची मर्यादा पाळणं गरजेचं असल्याचं मत व्यक्त होतंय. अनेकदा या मार्गावर बेदरकारपणे वाहनं चालवून अपघात झाल्याच्या घटना घडलेल्या आहेत. त्यामुळे या मार्गावरील अपघात रोखण्याचं आव्हान सगळ्यांसमोर उभं ठाकलंय.