Mumbai Accident : डिलिव्हरी बॉयला डंपरने चिरडलं! मालाड लिंक रोडवरील अपघातात 25 वर्षीय तरुण ठार

सुधीर कुमार चौधरी असं अपघातातील मृत तरुणाचं नाव आहे.

Mumbai Accident : डिलिव्हरी बॉयला डंपरने चिरडलं! मालाड लिंक रोडवरील अपघातात 25 वर्षीय तरुण ठार
भीषण अपघात
Image Credit source: TV9 Marathi
गोविंद ठाकूर

| Edited By: सिद्धेश सावंत

Aug 08, 2022 | 7:15 AM

मुंबई : ई-कॉमर्स कंपनीच्या डिलिव्हरी बॉयला डंपरने चिरडलं. मालाड लिंक रोडवर झालेल्या या अपघातामध्ये (Mumbai accident News) तरुणाचा जागीच जीव गेला आहे. तरुणाला चिरडल्यानंतर भरधाव डंपरचा चालक फरार झाला होता. त्यालाही अखेर अटक करण्यात आली असून गुन्हाही दाखल करण्यात आलाय. 5 ऑगस्ट रोजी सकाळी 7.20ला अपघात घडला होता. सुधीर कुमार चौधरी असं अपघातातील मृत तरुणाचं नाव आहे. सुधीर कुमार हा एक किराणा माल विक्री करणाऱ्या ई-कॉमर्स (e-Commerce) कंपनीत डिलिव्हरी बॉयचं काम करत होता. तो सामानाची डिलिव्हरी करण्यासाठी जात असतेवेळी त्याला डंपरने धडक दिली. अपघात घडलेल्या ठिकाणी सीसीटीव्ही कॅमेरे (CCTV Camera) नसल्यामुळे ही धडक नेमकी कशा झाली, हे कळू शकलेलं नाही. मात्र प्रत्यक्षदर्शींनी दिलेल्या माहितीच्या आधारे, पोलिसांनी अखेर फरार डंपर चालकाला शोधून काढत त्याच्यावर अटकेची कारवाई केलीय.

कसा घडला अपघात?

एका बांधकाम कंपनीच्या सुरक्षारक्षकाच्या देखतच हा अपघात घडला. इनफिनीटी मॉल जवळ सुरु असलेल्या एका बांधकामाच्या ठिकाणी महेश पाटील सुरक्षा रक्षकाचं काम करतो. त्याने हा अपघात पाहिला होता. या अपघाताबद्दल पोलिसांना महेश पाटील याने माहिती दिली. त्यात महेशने हा अपघात कसा झाला आणि डंपरचालक जखमी सुधीर कुमार याला मदत न करतात कसा फरार झाला, याबाबत सांगितलं.

जागीच ठार

महेशने दिलेल्या माहितीनंतर पोलिसांनी लगेचच घटनास्थळ गाठलं आणि गंभीर जखमी अवस्थेत असलेल्या 25 वर्षीय तरुणाला रुग्णालयात उपचारासाठी पाठवलं. कांदिवलीच्या बाबासाहेब आंबेडकर रुग्णालयात तरुणाचा उपचारासाठी नेलं असता तिथं डॉक्टरांनी त्याला मृत घोषित केलं. सुधीर कुमार चौधरी हा मालाडमधील मालवणी परिसरातील अंबुजवाडी इथं राहायला होता, अशीही माहिती तपासातून पुढे आलीय.

हे सुद्धा वाचा

बेजबाबदारपणे वाहन चालवून तरुणाच्या मृत्यूला कारणीभूत ठरल्याप्रकरणी डंपर चालकावर पोलिसांनी कलम 304-अ अन्वये गुन्हा दाखल घेतला आहे. तसंच डंपर चालकालाही अटक केली आहे. तर तरुणाच्या अपघाती मृत्यूने चौधरी कुटुंबीयांवर दुःखाचा डोंगर कोसळला आहे.

Non Stop LIVE Update

Follow us on

Related Stories

Most Read Stories

Click on your DTH Provider to Add TV9 MARATHI

राज्य चुनें