गतिमंद महिला रेल्वे रुळावर झोपली, एक्स्प्रेस अंगावरून जाऊनही ती बचावली, बदलापूर रेल्वे स्टेशनमधील थरारक घटना
गतिमंद महिला एक्सप्रेसखाली झोपल्याची धक्कादायक घटना बदलापूर रेल्वे स्थानकाजवळ घडली आहे. सुदैवानं या घटनेत संबंधित महिलेला काहीही इजा झालेली नाही.
ठाणे: गतिमंद महिला एक्सप्रेसखाली झोपल्याची धक्कादायक घटना बदलापूर रेल्वे स्थानकाजवळ घडली आहे. सुदैवानं या घटनेत संबंधित महिलेला काहीही इजा झालेली नाही. आश्चर्यकारकरित्या संबंधित महिला बचावली आहे. (Woman with mental stress trying to commit suicide sleep on railway track at Badlapur station but safe after came under express train)
कधी घडला हा प्रकार?
गुरुवारी सकाळी साडेनऊच्या सुमारास बदलापूर रेल्वे स्थानकातून उद्यान एक्स्प्रेस धडधडत वांगणीच्या दिशेनं गेली. मात्र, रेल्वे स्थानकापासून अवघ्या 100 मीटर अंतरावर लोको पायलटने करकचून ब्रेक दाबले. एक महिला रेल्वे रुळावर झोपली असून तिच्या अंगावरून एक्स्प्रेस गेल्याची माहिती लोको पायलटने स्टेशन मास्तरांना दिली.
रेल्वे अंगावरून जाऊनही महिला सुखरुप
स्टेशन मास्तरांना हा प्रकार कळताचरेल्वे पोलिसांनी घटनास्थळी धाव घेत पाहणी केली. त्यावेळी त्या महिलेला साधा ओरखडाही आला नसल्याचं स्पष्ट झालं. संबंधित 35 वर्षीय महिला ही गतिमंद असून मानसिक तणावातून तिने आत्महत्या करण्याचा प्रयत्न केल्याची माहिती समोर आली. या महिलेचा पत्ता शोधून तिच्या आईला पोलीस ठाण्यात बोलवण्यात आलं. आता महिलेला तिच्या आईच्या ताब्यात देण्यात आलं. या घटनेमुळे प्रवाशांमध्ये मात्र काही काळ घबराट पसरली होती, अशी माहिती जीआरपी कल्याणचे वरिष्ठ पोलीस निरीक्षक वाल्मिक शार्दूल यांनी दिली.
एप्रिल महिन्यात मयूर शेळकेंच्या धाडसानं चिमुकल्याला जीवदान
मध्य रेल्वेचा पाँईटंमन मयुर शेळके मुबंई पुणे मार्गावरील वागंणी स्टेशनवर कर्तव्य बजावत असतात. 17 एप्रिलला वांगणी रेल्वे स्थानकात एक अंध आई आपल्या लहान मुलासह फ्लँटफाँर्मवर चालत असताना तीच्या मुलाचा तोल जाऊन तो रेल्वे ट्रँकवर पडला. त्याचवेळी समोरून भरधाव वेगाने एक्सप्रेसही येत होती. अशा प्रतिकूल परिस्थितीत अवघ्या 7 सेकंदात मयुर शेळके या जिगरबाज रेल्वे पाँईटमनने लहान मुलाचा जीव वाचवला होता. मयुर शेळके च्या पराक्रमाची चर्चा पूर्ण देशभरात सुरु झाली. त्यानतंर मयुर शेळकेचा रेल्वेतर्फे सत्कार करण्यात आला.
16GB रॅम आणि 320GB स्टोरेजसह Mercedes Benz S Class 2021 भारतात लाँच, किंमत…#NewSClass #MercedesBenz #Mercedes #SClass #MercedesBenzSClass https://t.co/dgidHkk599
— TV9 Marathi (@TV9Marathi) June 17, 2021
संबंधित बातम्या:
Video : अंध आईच्या हातातला मुलगा चालता चालता रेल्वे ट्रॅकवर पडला आणि तेवढ्यात रेल्वे आली…
(Woman with mental stress trying to commit suicide sleep on railway track at Badlapur station but safe after came under express train)
