Mumbai : पत्नीने प्रियकराच्या मदतीने काढला पतीचा काटा, आरोपी शिवाजी नगर पोलिसांच्या ताब्यात

मुंबई : उकाड्याने हैराण झालेले गोवंडीकर (Govandi) सकाळी एका हत्येच्या घटनेनं हादरले. रविवारी पत्नीने प्रियकराच्या मदतीने पतीची हत्या केल्याची घटना घडली आहे. ही घटना गोवंडीतील बैंगणवाडी (Baiganwadi)परिसरात घडली आहे. पोलिसांनी पत्नी आणि तिच्या प्रियकराला ताब्यात घेतले आहे. शिवाजी नगर पोलिस (Shivaji Nagar Police) दोघांची कसून चौकशी करीत आहे. हत्या नेमकी कोणत्या कारणामुळे करण्यात आली, तसेच यातून आणखी गोष्टी उकल होण्याची शक्यता पोलिसांनी व्यक्त केली आहे. आयपीसी कलम 302 अन्वये गुन्हा दाखल करण्यात आला आहे.

आरोपी शिवाजी नगर पोलिसांच्या ताब्यात

अद्याप नेमकी पतीची हत्या का केली याचा खुलासा शिवाजी नगर पोलिसांनी केलेला नाही. परंतु पत्नीने प्रियकराच्या मदतीने पतीची हत्या केल्याची प्राथमिक माहिती पोलिसांनी दिली आहे. ही हत्या शनिवारी रात्री केली असावी अशी पोलिसांना शंका आहे. रविवारी सकाळी हत्या झाल्याची माहिती शिवाजी नगर पोलिसांना मिळाली. त्यानंतर पोलिसांनी पत्नीसह प्रियकराला ताब्यात घेतलं आहे. पोलिस दोघांची कसून चौकशी करीत आहे.

शवविच्छेदन अहवालानंतर तपासाला वेग येईल

मृत झालेल्या व्यक्तीचा शवविच्छेदन अहवाल आरोग्य विभागावकडून पोलिसांकडे दाखल झाल्यानंतर तपासाला योग्य दिशा मिळेल. सध्या दोन आरोपी पोलिस कोठडीत आहेत.