या धाडसाचं कौतुक करावं तितकं कमी! प्राणघातक हल्ला केलेल्या बिबट्याला महिलेनं परतावून लावलं

Pune leopard attack : बिबट्याच्या हल्ल्या परतावून लावून ही महिला बचावली आहे. मात्र या महिलेच्या डोक्याला गंभीर जखम झाली. या महिलेच्या डोक्याला टाके पडलेत.

या धाडसाचं कौतुक करावं तितकं कमी! प्राणघातक हल्ला केलेल्या बिबट्याला महिलेनं परतावून लावलं
बिबट्याचा हल्लाImage Credit source: instagram
Follow us
| Updated on: Sep 06, 2022 | 10:57 AM

पुणे : पुणे (Pune District) जिल्ह्यातील आंबेगाव (Ambegaon) तालुक्यात एक चित्तथरारक घटना घडली. एका बिबट्याने महिलेवर (Leopard attack) प्राणघातक हल्ला केला. पण हा हल्ला परतावून लावण्यात धाडसी महिलेला यश आलंय. आंबेगाव तालुक्यातील कुरवंडी येथे ही घटना घडली. घराबाहेर असलेली गाय सोडण्यासाठी गेलेल्या महिलेवर दबा धरून बसलेल्या बिबट्याने प्राणघातक हल्ला केला. मात्र त्यांनी प्रसंगावधान राखून जोरदार प्रतिकार केला आणि बिबट्याला परतावून लावलं. कलाबाई देविदास मते असं या धाडसी महिलेचं नाव आहे. या धाडसी महिलेचे सर्वत्र कौतुक केलं जात आहे.

जीव वाचला, पण…

बिबट्याच्या हल्ला परतावून लावून ही महिला बचावली. मात्र या प्राणघातक हल्ल्यात महिलेच्या डोक्याला गंभीर जखम झाली. या महिलेच्या डोक्याला टाके पडलेत. कलाबाई यांच्यावर मंचर येथील ग्रामीण रुग्णालयात उपचार करण्यात येत आहेत.

आंबेगाव तालुक्यातील कुरवंडी येथील कलाबाई मते यांचे घर चव्हाणवस्ती येथे असून घराशेजारी वनविभागाचे क्षेत्र आहे. त्यांची गाय ते चरण्यासाठी वन विभागाच्या शेजारी बांधत असतात. रात्री सात वाजताच्या दरम्यान त्या गाय सोडण्यासाठी गेले असता बाजूलाच दबा धरून बसलेल्या बिबट्याने डरकाळी फोडत त्यांच्यावर हल्ला केला. त्यांनी घाबरून जोरजोरात आरडाओरडा केल्याने बिबट्या पळून गेला. मात्र या हल्ल्यात त्यांच्या डोक्याला मोठी जखम झाली.

हे सुद्धा वाचा

डोक्याला टाके

मते कुटुंबियांनी त्यांना घोडेगाव येथील ग्रामीण रुग्णालयात उपचारासाठी दाखल केले होते. त्यांच्यावर उपचार करण्यात आले असून त्यांच्या डोक्याला टाके पडले आहेत. उपचार घेऊन त्या घरी आल्या. पण त्यांचं डोकं दुखत असल्याने त्यांना पुढील उपचारासाठी पुन्हा उपजिल्हा रुग्णालय मंचर येथे दाखल करणार असल्याचे कुटुंबियांनी सांगितले.

सदर घटनेची माहिती मिळताच, वनविभागाने वन परीक्षेत्राधिकारी पी. एस. रौंदळ यांनी घटनेची गंभीर दखल घेतली. सोमवारी सकाळी पी.एस. रौंदळ, वनपाल एस.एल गायकवाड, वनरक्षक एस.बी वाजे, वनरक्षक ए. एस.होले, आर.सी शिंगाडे यांनी घटनास्थळी भेट देत पंचनामा केला. या परिसरात बिबट्याचा वावरही आहे. आता वन विभागाने पिंजरा लावून बिबट्यास जेरबंद करावे अशी मागणी ग्रामस्थांनी केली आहे.

दरम्यान वनविभाग क्षेत्र, ऊस क्षेत्र परिसरात बिबट्याचा वावर मोठ्या प्रमाणात आहे. त्यामुळे रात्रीच्या वेळी घराबाहेर पडताना काळजी घ्यावी. एकट्याने बाहेर पडू नये, आपली जनावरे सुरक्षित ठिकाणी बांधावी, असे आवाहन वनपरीक्षेत्र अधिकारी यांनी केले आहे.

Non Stop LIVE Update
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत
एका जागेसाठी कॉंग्रेसला देशाचे पंतप्रधान पद घालवायचं का ? - संजय राऊत.
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास
आनंद दिघेंचा शिष्य यंदा मारणार हॅट्रीक, केदार दिघे यांचा विश्वास.
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत
ओवेसी आणि इम्तियाझ यांनी चष्म्याचे नंबर बदलावे -केंद्रीय मंत्री भागवत.
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?
लवकरच बरा होऊन... दिलीप वळसे पाटील यांचं दुखापतीनंतर पहिलं टि्वट काय?.
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?
शिवसेनेत पक्ष प्रवेश करताच गोविंदाला हवी 'ही' जबाबदारी, शिंदे देणार?.
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?
जलील बोलका पोपट आणि चंद्रकांत खैरे नाकारलेला उमेदवार, कुणी केली टीका?.
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा
गोविंदाचा शिंदेंच्या शिवसेनेत प्रवेश, मुख्यमंत्र्यांच्या उपस्थित घोषणा.
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात
बॉलिवूड कलाकार राजकारणात, सेनेकडून हे स्टार प्रचारक लोकसभेच्या रिंगणात.
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?
शिंदेंची पत्रकार परिषद, लोकसभा उमेदवारांची घोषणा? संभाव्य यादीत कोण?.
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच
महायुतीत छत्रपती संभाजीनगर जागेवरून पेच कायम, शिवसेना-भाजपात रस्सीखेच.