Pune Murder : पुणे शहर तरुणाच्या हत्येनं हादरलं! मध्यरात्री थरारक हत्याकांड, चाकूने भोसकून सिमेंटचा ब्लॉक डोक्यात घातला

पुणे : पुणे (Pune Crime News) शहर खळबळजनक हत्याकांडाने हादरलंय. एका तरुणाचा भोसकून खून (Pune Murder News) करण्यात आला. पुणे शहरात ही घटना घडल्यानं पोलिसांचा (Pune News) धाक उरलाय की नाही, असाही सवाल उपस्थित केला जातोय. मध्यरात्री तरुणाची हत्या करण्यात आली. यावेळी चाकूने तरुणाला भोसकण्यात आलं. त्यानंतर त्याच्या डोक्यात सिमेंटचे ब्लाक घालून त्याला ठार मारण्यात आलं. काळचारा थरकाप उडणावाऱ्या या हत्याकांडानंतर आता परिसरात भीतीचं वातावरण आहे. नाना पेठेतील नवा वाडा परिसर या हत्येच्या घटनेनं हादरुन गेला आहे. या हत्येप्रकरणी पोलिसांकडून गुन्हा दाखल करण्यात आहे. सध्या अज्ञात हल्लेखोरांचा शोध पोलिसांकडून घेतला जातो आहे. तसंत हत्या करण्यात आलेला तरुण कोण होता, याचीही ओळख पटवण्यात आली आहे.

28 वर्षांच्या तरुणाला भोसकलं!

28 वर्षांच्या तरुणाचा नाना पेठेतील नवा वाडा इथे खून करण्यात आला. अक्षय लक्ष्मण व्हलाळ असं हत्या करण्यात आलेल्या तरुणाचं नाव आहे. पूर्व वैमन्यातून या तरुणाची हत्या करण्यात आली असल्याचं सांगितलं जातंय. या हत्येप्रकरणी अद्याप कुणालाही अटक करण्यात आलेली नाही. अक्षयच्या मारेकऱ्यांचा कसून शोध सध्या घेतला जातोय. समर्थ पोलीस ठाण्यात या हत्येप्रकरणी पोलिसांनी गुन्हा दाखल करुन घेतला आहे. दोघा संशयितांविरोधात हत्येचा गुन्हा दाखल करण्यात आला आहे.

आरोपींचा शोध सुरु

हत्या करुन मारेकरी पसार झाले आहेत. नवा पेठ परिसरातीत सीसीटीव्ही फुटेजची मदत पोलिसांकडून आता घेतली जाते आहे. तसंच अक्षयच्या परिचयाच्या लोकांकडेही पोलिसांकडून कसून चौकशी केली जाते आहे. नेमके या हत्येचं कारण काय? हत्येला जबाबदार कोण? अक्षयचं कुणाशी भांडण झालं होतं? या सगळ्या प्रश्नांची उत्तर शोधण्याचं आव्हान आता पुणे पोलिसांसमोर उभं ठाकलंय. महत्त्वाचं म्हणजे पुणे शहराच्या परिसरात हत्याकांड घडलेल्या या घटनेची दाहकता अधिकच वाढली आहे.