बांधकामग्रस्त उड्डाणपुलावरुन ट्रिपल सीट प्रवास, बाईक खाली कोसळून दोघांचा मृत्यू

कराडमध्ये बांधकाम सुरु असलेल्या पुलावर अपघात

कराड : बांधकाम सुरु असलेल्या पुलावरुन बाईक खाली कोसळून दुचाकीस्वारांना प्राण गमवावे लागले, तर एक जण जखमी झाला आहे. सातारा जिल्ह्यातील कराड तालुक्यात हा भीषण अपघात झाला. अपघातग्रस्त तरुण हे कोल्हापूर जिल्ह्याचे रहिवासी असल्याची माहिती आहे. बाईकस्वार बांधकाम सुरु असलेल्या पुलावरुन रात्री ट्रिपल सीट जात असल्याची माहिती आहे. (Satara Karad Accident Tripple Seat Kolhapur Bike Riders fall off flyover to death)

अंधारामुळे रस्ता न दिसल्याचा अंदाज

कराड-मलकापूर रोडवरील पुलाचे बांधकाम सुरु असल्याने या रोडवरील वाहतूक बंद आहे. तरीही या पुलावरुन संबंधित बाईकस्वार रात्रीच्या वेळेस ट्रिपल सीट प्रवास करत होते. त्यातच अपघात होऊन बाईक थेट उड्डाणपुलावरुन खाली कोसळली. सातारा जिल्ह्यात कराड चांदोली रोडवर उंडाळे जवळ ही अपघाताची घटना घडली. अंधारामुळे रस्ता न दिसल्याने अपघात झाल्याचा अंदाज वर्तवला जात आहे.

कोल्हापुरातील दोघांचा साताऱ्यात मृत्यू

मृत आणि जखमी कोल्हापूर जिल्ह्यातील हातकणंगले तालुक्यातील भेंडवडी येथील रहिवासी होते. अपघातात जानु भैरु झोरे आणि
कोंडिबा भागोजी पाटने यांना प्राण गमवावे लागले. तर जखमी दगडू बिरू झोरे यांच्यावर कराडमधील रुग्णालयात उपचार सुरू आहेत. कराड पोलिसांकडून या प्रकरणी अधिक तपास सुरु आहे.

ठाण्यात कारवर पुठ्ठे कोसळले

ठाण्यात काही महिन्यांपूर्वी विचित्र अपघात झाला होता. वाघबीळ उड्डाणपुलावरुन पुठ्ठ्यांनी भरलेला ट्रक जात होता. यावेळी चालकाचा ट्रकवरील ताबा सुटला आणि ट्रक थेट उड्डाणपुलाच्या सुरक्षा भिंतीला जाऊन धडकला. त्यामुळे ट्रकमध्ये असलेले पुठ्ठ्यांचे गठ्ठे उड्डाणपुलाखाली मुंबईच्या दिशेने जाणाऱ्या गाडीवर पडले. त्यात एका गाडीचा चक्काचूर झाला. या दुर्घटनेत एका व्यक्तीचा जागीच मृत्यू झाला होता.

संबंधित बातम्या :

ठाण्यात विचित्र अपघात, पुलावरील अपघातग्रस्त ट्रकमधील पुठ्ठ्यांचे गठ्ठे गाडीवर पडले, एकाचा मृत्यू

VIDEO | झाडावर धडकून कार उलटली, ठाण्यात विहंग्स इन हॉटेलसमोर भीषण अपघात

(Satara Karad Accident Tripple Seat Kolhapur Bike Riders fall off flyover to death)