पतीला अद्दल घडवण्यासाठी महिलेने उचलले ‘हे’ भयंकर पाऊल, खुलासा होताच सर्वांनाच धक्का बसला !
संगीता आणि तिचा पती विजय यांच्यात बऱ्याच कालावधीपासून वाद सुरु होता. त्यामुळे ती वियजपासून वेगळी राहत होती. तिची मुलंही वडिलांसोबत राहत होती. यामुळे विजयला धडा शिकवण्यासाठी महिलेने आपल्या मित्र मैत्रिणींसोबत मिळून कट रचला.
सोनीपत : पतीला धडा शिकवण्यासाठी एका महिलेने भयंकर कृत्य केल्याची घटना उघडकीस आली आहे. हरियाणातील सोनीपत येथे पती-पत्नीच्या वादातून पतीला अद्दल घडवण्यासाठी महिलेने स्वतःच्याच मुलाचे अपहरण केल्याचे उघड झाले आहे. या घटनेत महिलेला तिची एक मैत्रिण आणि एका मित्राने मदत केली. याप्रकरणी पोलिसांनी महिलेसह तिला मदत करणाऱ्या मित्र आणि मैत्रिणींना अटक केली आहे. संगीता असे आरोपी पत्नीचे नाव असून, संगीता, माया आणि विशाल अशी तिला मदत करणाऱ्या आरोपींची नावे आहेत. पोलिसांनी अपहृत मुलाची सुटका केली आहे. ही घटना उघड होताच पोलिसांसह सर्वांच्याच भुवया उंचावल्या आहेत.
पती-पत्नीमध्ये वाद असल्याने ती वेगळी राहते
संगीता आणि तिचा पती विजय यांच्यात बऱ्याच कालावधीपासून वाद सुरु होता. त्यामुळे ती वियजपासून वेगळी राहत होती. तिची मुलंही वडिलांसोबत राहत होती. यामुळे विजयला धडा शिकवण्यासाठी महिलेने आपल्या मित्र मैत्रिणींसोबत मिळून कट रचला.
मुलाचे अपहरण झाल्याची तक्रार येताच पोलिसांनी शोध सुरु केला
जनता कॉलनीमध्ये एका मुलाचे अपहरण झाल्याची तक्रार सोनीपत पोलिसांकडे दाखल करण्यात आली होती. तक्रार मिळताच पोलिसांनी मुलाचा शोध सुरु केला. मुलाचा शोध घेण्यासाठी पोलीस सर्व बाजूने तपास करीत होते.
तपास करत असतानाच पोलीस आरोपींपर्यंत पोहचले. आरोपींना ताब्यात घेत त्यांची चौकशी केल्यानंतर जे सत्य समोर आले ते ऐकून पोलीसही हैराण झाले. पोलिसांनी मुलाची सुटका करुन त्याच्या वडिलांकडे सोपवले.
आईनेच स्वतःच्या मुलाचे अपहरण केल्याचे उघड
पतीसोबत वाद असल्याने त्याला अद्दल घडवण्यासाठी पत्नीनेच स्वतःच्या मुलाचे अपहरण केल्याचे आरोपींनी पोलिसांना सांगितले. यानंतर पोलिसांनी आरोपींना अटक केली असून, त्यांची अधिक चौकशी सुरु आहे.
