BMC Election 2025 : मुंबईत ठाकरेंच्या बालेकिल्ल्यात भाजपची रणनीती, ‘या’ ठिकाणी शिंदे सेना अन् BJP समसमान जागा लढणार

मुंबई महापालिका निवडणुका आणि महाराष्ट्रातील स्थानिक स्वराज्य संस्थांच्या निवडणुकांच्या पार्श्वभूमीवर राज्यातील राजकीय वर्तुळात हालचालींना वेग आला आहे. मुंबईत, ठाकरे गटाच्या शिवसेनेच्या पारंपरिक बालेकिल्ल्यात भाजप आणि शिंदे गटाच्या शिवसेनेने एक नवी रणनीती आखली आहे. यानुसार, दोन्ही पक्ष मुंबईतील महत्त्वाच्या मतदारसंघांमध्ये समसमान जागा लढवणार आहेत. लालबाग, परळ, दादर, माहीम, भायखळा आणि वरळी यांसारख्या विभागांमध्ये ही समान जागावाटपाची योजना राबवली जाईल. ठाकरे गटासोबत असलेले काही माजी नगरसेवक असले तरी, सर्व जागा शिंदे गटाला सोडल्या जाणार नाहीत; भाजपही काही जागांवर आपले उमेदवार उभे करणार आहे. ठाकरेंच्या बालेकिल्ल्यात आपले वर्चस्व वाढवण्याच्या उद्देशाने भाजप आणि शिंदे गटात सातत्याने बैठका सुरू आहेत.