CCTV : डिवायडरवर धडकली कार, चालक हवेत उडाला; अपघाताची थरारर दृश्य पाहून काळजाचा थरकाप उडेल
अपघाताचा थरारक व्हिडिओ सोशल मीडियावर व्हायरल झाला आहे. दिल्लीतील एका टोलनाक्यावर मंगळवारी ही अपघाताची घटना घडली आहे. सुदैवाने यात जीवितहानी झाली नाही.
नवी दिल्ली : एका टोलनाक्यावर एक अपघाताची थरारक घटना (Thrilling incident of an accident) सध्या उघडकीस आली आहे. भरधाव कार टोलनाक्यावरील (Toll Plaza) डिवायरवर जोरदार आदळली. धडक इतकी जोरदार होती की, यात कारच्या काचा फुटून चालक बाहेर फेकला गेला. चालक काही फूट हवेत उडून जमिनीवर आदळला. ही घटना टोलनाक्यावरील सीसीटीव्हीत कैद (Incident caught in CCTV) झाली आहे. अपघाताचा थरार पाहून काळजाचा थरकाप उडाल्याशिवाय राहणार नाही.
अपघाताचा थरारक व्हिडिओ सोशल मीडियावर व्हायरल झाला आहे. ही घटना नेमकी कुठल्या ठिकाणची आहे हे अद्याप कळू शकले नाही. मात्र एका टोलनाक्यावर ही अपघाताची घटना घडल्याचे व्हिडिओतून कळते.
सुदैवाने यात जीवितहानी झाली नाही. कारचालक जखमी झाला असून, त्याच्यावर रुग्णालयात उपचार सुरु आहेत.
काय आहे व्हिडिओमध्ये?
व्हिडिओमध्ये आपण पाहू शकता की, टोल बुथच्या दिशेने एक कार भरधाव वेगाने आली. गाडीचा वेग अधिक असल्याने गाडी अनियंत्रित झाली आणि टोलनाक्यावरील डिवायडरवर जोरात धडकली. या धडकेत कारच्या बोनेटचा चक्काचूर झाला.
Source said he survived but I don’t know…….. pic.twitter.com/0JutmHz5bw
— Vicious Videos (@ViciousVideos) October 13, 2022
कारच्या बोनेटचा चक्काचूर
कारच्या पुढच्या काचा फुटल्या आणि कार चालक पतंगासारखा हवेत उडाला आणि जमिनीवर आदळला. यानंतर कारने पेट घेतला. या अपघातात सुदैवाने जीवितहानी झाली नाही. कार चालक जखमी झाला आहे.
सोशल मीडियावर युजर्सच्या संमिश्र प्रतिक्रिया
अपघाताचा व्हिडिओ सोशल मीडियावर व्हायरल झाला आहे. युजर्सने कारचालकाला चांगलेच फटकारले आहे. कार चालवताना वाहतुकीचे नियम पाळायला हवे होते, असे युजर्सने म्हटले आहे.
त्याचबरोबर सोशल मीडियावर यूजर्स व्हिडिओ पाहिल्यानंतर वेगवेगळ्या प्रकारच्या कमेंट्स देताना दिसत आहेत. सोशल मीडिया वापरकर्त्यांनी गाडी चालवणाऱ्या व्यक्तीला फटकारले की, त्याने रस्त्यावर कार चालवताना वाहतुकीचे नियम पाळायला हवे होते.
