दिव्यांग विद्यार्थ्यांसाठी विद्यापीठ अनुदान आयोगाकडून मार्गदर्शक तत्त्वे जारी करण्यात आलीयेत. या मार्गदर्शक तत्त्वांनुसार दिव्यांग विद्यार्थ्यांना आता एकावेळी अनेक कोर्स करता येणार आहेत. मार्गदर्शक तत्त्वांवर यूजीसीच्या मॉनिटरिंग पोर्टलवर आयोगाने सर्व भागधारकांकडून 25 ऑक्टोबरपर्यंत सूचना मागवल्या आहेत. सीबीसीएस हे एक शैक्षणिक मॉडेल आहे. सीबीसीएस म्हणजे चॉइस बेस्ड क्रेडिट सिस्टिम. हे शैक्षणिक मॉडेल विद्यार्थ्यांना त्यांच्या आवडीचे अभ्यासक्रम आणि विषय निवडण्याची संधी देते.
दिव्यांग विद्यार्थी आपल्या आवडीचे एकापेक्षा अधिक अभ्यासक्रम चॉइस बेस्ड क्रेडिट सिस्टिम अर्थात सीबीसीएसमधून चॉइस करू शकतात असं या नोटिशीत म्हटले आहे.
कोअर, इलेक्टिव्ह कोर्सेस, ओपन किंवा ग्लोबल इलेक्टिव्ह्ज आणि स्किल बेस्ड कोर्सेस हे कोर्सेस विद्यापीठ अनुदान आयोगाने (यूजीसी) सुरू केलेत. याशिवाय युजीसीकडून मार्गदर्शक तत्त्वे जारी करण्यात आलीत ज्यात विद्यार्थ्यांसाठी काही गोष्टींची खास काळजी घेण्यात आलीये.