दिव्यांग विद्यार्थ्यांसाठी UGC कडून गाइडलाइन! विद्यार्थ्यांना खुशखबर

UGC NET city slip

Image Credit source: tv9

दिव्यांग विद्यार्थ्यांसाठी विद्यापीठ अनुदान आयोगाकडून मार्गदर्शक तत्त्वे जारी करण्यात आलीयेत. या मार्गदर्शक तत्त्वांनुसार दिव्यांग विद्यार्थ्यांना आता एकावेळी अनेक कोर्स करता येणार आहेत. मार्गदर्शक तत्त्वांवर यूजीसीच्या मॉनिटरिंग पोर्टलवर आयोगाने सर्व भागधारकांकडून 25 ऑक्टोबरपर्यंत सूचना मागवल्या आहेत. सीबीसीएस हे एक शैक्षणिक मॉडेल आहे. सीबीसीएस म्हणजे चॉइस बेस्ड क्रेडिट सिस्टिम. हे शैक्षणिक मॉडेल विद्यार्थ्यांना त्यांच्या आवडीचे अभ्यासक्रम आणि विषय निवडण्याची संधी देते.

दिव्यांग विद्यार्थी आपल्या आवडीचे एकापेक्षा अधिक अभ्यासक्रम चॉइस बेस्ड क्रेडिट सिस्टिम अर्थात सीबीसीएसमधून चॉइस करू शकतात असं या नोटिशीत म्हटले आहे.

कोअर, इलेक्टिव्ह कोर्सेस, ओपन किंवा ग्लोबल इलेक्टिव्ह्ज आणि स्किल बेस्ड कोर्सेस हे कोर्सेस विद्यापीठ अनुदान आयोगाने (यूजीसी) सुरू केलेत. याशिवाय युजीसीकडून मार्गदर्शक तत्त्वे जारी करण्यात आलीत ज्यात विद्यार्थ्यांसाठी काही गोष्टींची खास काळजी घेण्यात आलीये.

यूजीसीच्या मार्गदर्शक तत्त्वांमध्ये काय म्हटलंय?

1. उच्च शिक्षण संस्थांच्या कॅम्पसमध्ये वॉक वे शी संबंधित मूलभूत सुविधा निर्माण करण्यास सांगण्यात आलंय.
2. कॅम्पसमध्ये दुतर्फा वॉक वे बांधण्यास सांगण्यात आलंय.
3. कॅम्पसमध्ये रस्त्याच्या सभोवताली बसण्याची व्यवस्था, लेव्हल क्रॉसिंग आणि पुरेशी लाईटची व्यवस्था असावी.
4. पादचाऱ्यांना अडथळा येणार नाही अशा पद्धतीने रस्त्यांबरोबरच ३० मीटरवर कॅम्पसमध्ये बसण्याची योग्य व्यवस्था असावी.
5. नेव्हिगेशन सुविधेसाठी कॅम्पसमध्ये जीपीएस मॅपिंग आणि ब्लूटूथ तंत्रज्ञानाची व्यवस्था केली जाऊ शकते.
6. कॅम्पसमध्ये इलेक्ट्रॉनिक आणि डिजिटल इंडिकेटर यंत्रणा बसवली जाऊ शकते.
7. सर्व विद्यार्थ्यांना अभ्यासक्रमाशी संबंधित गोष्टी इलेक्ट्रॉनिक माध्यमातून उपलब्ध करून द्याव्यात, असे यूजीसीच्या मार्गदर्शक तत्त्वांमध्ये म्हटले आहे.