Maharashtra Local Body Election : जिल्हा कोणाच्या मागे ते… अजितदादांची नगर परिषदांच्या निकालानंतर पहिली प्रतिक्रिया

नगरपरिषद निकालांनंतर राष्ट्रवादी काँग्रेसचे नेते अजित पवार यांनी आपली पहिली प्रतिक्रिया दिली. “जिल्हा कोणाच्या पाठीशी आहे ते बघ,” असे वक्तव्य त्यांनी केले. याच निकालांच्या संदर्भात भाजप नेते सुधीर मुनगंटीवार यांनी चंद्रपूर, गडचिरोली, भंडारा, गोंदिया या जिल्ह्यांना एकही मंत्रीपद न मिळाल्याबद्दल चिंता व्यक्त केली. त्यांना स्वतःला किंवा या भागातील अन्य कोणालाही मंत्रीपद न मिळाल्याची खंत त्यांनी बोलून दाखवली. पक्षाने बाहेरील लोकांना प्रवेश दिल्याचा परिणाम मतदारांवर झाल्याचे मुनगंटीवार यांनी म्हटले आहे. या प्रकारामुळे भाजपला फटका बसला असून, याचे चिंतन करण्याची गरज त्यांनी अधोरेखित केली. विदर्भातील या भागांना मंत्रीपद न मिळाल्याने त्यांनी पुन्हा एकदा नाराजी व्यक्त केली. दरम्यान, या निवडणुकांमध्ये भाजपने एकूण ११८ नगराध्यक्ष निवडून आणले आहेत.