NEET 2021 Exam Date: विद्यार्थ्यांनो तयारीला लागा!, नीट परीक्षेच्या तारखा लवकरच जाहीर होणार
नीट परीक्षेची तारीख आठवड्यात जाहीर केली जाईल अशी माहिती एनटीएच्या संचालकांनी दिली आहे. NEET Exam Date 2021
NEET Exam Date 2021 नवी दिल्ली : नीट परीक्षा म्हणजे राष्ट्रीय पात्रता प्रवेश परीक्षेची तारीख लवकरचं जाहीर होणार आहे. नीट परीक्षेच्या तारखेसंदर्भात नॅशनल टेस्टिंग एजन्सीच्या संचालकांनी TV9 भारतवर्षशी बोलताना माहिती दिली. नीट परीक्षेची तारीख आठवड्यात जाहीर केली जाणार आहे. नॅशनल टेस्टिंग एजन्सीकडून नीट परीक्षेची तयारी करण्यात येत आहे. नीट परीक्षेच्या(NEET 2021 Exam Date) तारखा जाहीर होण्याची वाट विद्यार्थ्यांकडून पाहिली जात आहे. विद्यार्थ्यांनी नीट परीक्षेच्या माहितीसाठी नॅशनल टेस्टिंग एजन्सीची अधिकृत वेबसाईट ntaneet.nic.in वर भेट द्यावी. परीक्षेसंदर्भातील सर्व माहिती एनटीएच्या वेबसाईटवर मिळेल. (NTA DG said NEET Exam Date 2021 will declared soon)
NEET 2021 परीक्षा पॅटर्नमध्ये बदल?
राष्ट्रीय पात्रता प्रवेश परीक्षा (NEET-UG) च्या परीक्षा पॅटर्नमध्ये कोणताही बदल करण्यात आलेला नाही. जून आणि जुलै महिन्यात ऑफलाईन पद्धतीनं नीट परीक्षा घेतली जाईल. टाईम्स ऑफ इंडियामधील वृत्तानुसार उच्च शिक्षण विभागाचे सचिव अमित खरे परीक्षा पद्धतीत बदल करणं योग्य नसल्याचं म्हटलं आहे. ऐनवेळी परीक्षा पॅटर्न बदलल्यास विद्यार्थ्यावर त्याचा परिणाम होईल, असं अमित खरे यांनी म्हटलंय.
खरे यांच्यानुसार, NEET परीक्षा वर्षभरात अधिकवेळा आयोजित केली गेली पाहिजे. काही विद्यार्थी अडचणींमुळे परीक्षेवर लक्ष केंद्रीत करता येत नाही. विद्यार्थ्यांचं त्यामुळे वर्ष वाया जाते. विद्यार्थ्यांचं नुकसान होऊ नये आणि त्यांना संधी मिळावी यासाठी वर्षभरात परीक्षा अधिक वेळा झाली पाहिजे. एका वर्षात अधिक वेळा परीक्षा घेण्यासाठी ऑफलाईन पद्धतीऐवजी ऑनलाईन पद्धतीचा वापर करावा, असं अमित खरे म्हणाले.
अधिक वेळा परीक्षा घेण्यावर चर्चा व्हावी
NEET परीक्षा अधिक वेळा घेण्यासाठी त्यासंबंधित घटकांशी चर्चा करण्याची गरज असल्याचं अमित खरे म्हणाले. JEE आणि NEET परीक्षांमध्ये फरक आहे. JEE परीक्षा सर्व अभियांत्रिकी महाविद्यालयांसाठी आयोजित करण्याची गरज नसते. मात्र, NEET परीक्षा सर्व वैद्यकीय महाविद्यालयांमध्ये प्रवेश करण्यासाठी अनिवार्य आहे. अमित खरेंनी सांगतिलं की विज्ञान विषयातील विद्यार्थ्यांना कॉमप्युटर हाताळण्यामध्ये सुलभता येण्यासाठी सात आठ महिने अगोदर त्याबाबत घोषणा करणं गरजेचे आहे.
मुंबईतील नाईट क्लब सर्वात आधी बंद करू; अस्लम शेख यांचे संकेतhttps://t.co/8IJyOW9lGN#aslamshaikh | #mahavikasaghadi | #mumbai | #CoronaVirusUpdates | #nightclubs
— TV9 Marathi (@TV9Marathi) March 9, 2021
संबंधित बातम्या:
JEEAdvanced 2021 परीक्षेची तारीख ठरली, केंद्रीय शिक्षणमंत्र्यांची घोषणा
(NTA DG said NEET Exam Date 2021 will declared soon)