वयाच्या 14 व्या वर्षी अडकली लग्नबंधनात, सासरी सहन केलेला छळ, यातना, 450 सिनेमांमध्ये काम करण्याऱ्या अभिनेत्रीचा दुर्दैवी अंत

सिनेमांमधील ती ग्लॅमरस अभिनेत्री… एकेकाळी तिचं नाव चाहत्यांच्या तोंडावर होतं. अभिनेत्री तिच्या करियरमध्ये यशाच्या शिखरावर पोहोचली, पण तिला मुख्य भूमिका साकारण्याची संधी कधी मिळालीच नाही. सांगायचं झालं तर, फिल्मसृष्टीच्या झगमगीत दुनियेमागे कधीकधी असे काही कडवट सत्य दडलेले असतात, जे ऐकून काळजाचा थरकाप उडतो. अशीच एक कहाणी आहे अभिनेत्री सिल्क स्मिताची, जिचा अंत अत्यंत दुर्दैवी होता. तिच्या मागे-पुढे चाहत्यांची गर्दी असायची, पण शेवटच्या क्षणी अभिनेत्री कोणीच नव्हतं.

त्या काळात सिल्क स्मिता म्हणजे दक्षिण चित्रपटसृष्टीचं एक मोठं आणि लोकप्रिय नाव होतं. तिची एक झलक पाहण्यासाठी चित्रपटगृहांबाहेर रांगा लागायच्या. दिग्दर्शक अभिनेत्रीला आपल्या सिनेमात घेण्यासाठी मागेल ती रक्कम द्यायला तयार असायचे. एवढंच नाही, तर एखाद्या सिनेमाची शूटिंग पूर्ण झाल्यावरसुद्धा निर्माते सिल्कचं एक गाणं त्यात खास घालायचे. त्यामागे कारण देखील तसं होतं, अभिनेत्रीची सिनेमात उपस्थिती म्हणजे त्या सिनेमाच्या यशाची हमीच असायची. 450 हून अधिक सिनेमांमध्ये अभिनेत्रीने काम केलं, पण दुर्दैवाने लीड अभिनेत्रीची भूमिका साकारण्याची संधी तिला कधी मिळालीच नाही.

सिल्क स्मिता हिचं खरं नाव विजयलक्ष्मी. आंध्र प्रदेशातल्या एका छोट्याशा गावात अभिनेत्रीचा जन्म झाला. घरची परिस्थिती बेताचीच होती, त्यामुळे चौथीनंतर शाळा सुटली. आणि वयाच्या अवघ्या चौदाव्या वर्षी घरच्यांनी अभिनेत्रीचं लग्न एका वयस्कर माणसाशी लावून दिलं. लग्नानंतर स्मिता आयुष्या मोठं वादळ आलं.

लग्नात अभिनेत्रीला मिळालं ते फक्त घरगुती हिंसा आणि यातना. दोनच वर्षांत स्मिता सगळंकाही सोडून रिकाम्या हाताने निघाल्या आणि थेट चेन्नईला पोहोचल्या. तिथे सिनेमाच्या सेटवर मेकअप आणि छोटी-मोठी कामं करत स्मिताने नव्या आयुष्याची सुरुवात केली.

पण अभिनेत्रीने स्वतः मेकअपपर्यंत मर्यादित ठेवलं नाही. तिने झगमगत्या विश्वात स्वतःचं नाव मोठं केलं. अनेक गाण्यावर ठेका धरत त्यांनी चाहत्यांना देखील आपल्या तालावर नाचवलं… पण अभिनेत्रीचा शेवट मात्र प्रंचड दुर्दैवी होता… वयाच्या पस्तिसाव्या वर्षी स्मिता हिने स्वतःचं आयुष्य संपवलं. मृत्यूनंतर अभिनेत्रीचं पार्थिव कित्येक तास त्याच खोलीत तसंच राहिलं, अभिनेत्रीच्या मृत्यूबद्दल कुणाला कळलंही नाही.

स्वतःचं आयुष्य संपवत अभिनेत्री मागे एक चिठ्ठी ठेवली होती. त्या चिठ्ठीत लिहिलेलं की, ‘मी एकटी आहे आणि माझ्यावर कोणीच प्रेम करत नाही…’, एवढ्या मोठ्या स्टारडमनंतरही असं एकटं जगणं आणि असा एकांतात मृत्यू — हे खरंच हृदय पिळवटून टाकणारं आहे. त्यांच्या जीवनावर आधारित ‘द डर्टी पिक्चर’ हा सिनेमा प्रदर्शित झालेला, ज्यात अभिनेत्री विद्या बालन हिने सिल्कची भूमिका साकारली होती. सिनेमाने बॉक्स ऑफिस बक्कळ कमाई केली.