Shaitaan सिनेमाला कोणत्या गोष्टीचा होतोय फायदा? चौथ्या आठवड्यातही सिनेमाची तगडी कमाई

Shaitaan Day 25 Box Office Collection | अभिनेता अजय देवगन आणि अभिनेता आर माधवन स्टाररर ‘शैतान’ सिनेमा सध्या बॉक्स ऑफिसवर तगडी कमाई करताना दिसत आहे. सध्या सर्वत्र फक्त आणि फक्त ‘शैतान’ सिनेमाचा बोलबाला पाहायला मिळत आहे. फार कमी सिनेमे प्रेक्षकांच्या पसंतीस उतरतात आणि त्याचा होणार फायदा बॉक्स ऑफिसवर दिसून येतो. फत्त 65 कोटी रुपयांच्या बजेटमध्ये तयार झालेल्या सिनेमाने 130 कोटींपेक्षा जास्त रुपयांचा गल्ला पार केला आहे. कमी बजेट आणि मोजक्याच सेलिब्रिटींमध्ये साकारण्यात आलेला ‘शैतान’ सिनेमा प्रेक्षकांचं मनोरंज करण्यात यशस्वी ठरला आहे.

सांगायचं झालं तर ‘शैतान’ सिनेमाने सिद्ध करून दाखवलं आहे की, कलाकारांचं अभिनय, दिग्दर्शन आणि सिनेमाची कथा सर्वात जास्त महत्त्वाची असते, चाहत्यांच्या मनावर राज्य करण्यासाठी.. दिग्दर्शन, कलाकार आणि सिनेमाची कथा उत्तम असेल तर कमी बजेट असलेला सिनेमा दोखील कोट्यवधींच्या कमाईसाठी लाभदायक ठरतो..

‘शैतान’ सिनेमाची कमाई

‘शैतान’ सिनेमाबद्दल आणखी एक महत्त्वाची गोष्ट सांगायंची झाली तर, सध्या 2 आठवडे एखादा सिनेमा चित्रपटगृत टिकणं कठीण झालं आहे. अशात ‘शैतान’ सिनेमाची तिसऱ्या आठवड्यात देखील यशाच्या दिशेने वाटचाल सुरु आहे. तिसऱ्या आठवड्यात सिनेमाने 20 कोटी रुपयांची कमाई केली.

चौथ्या आठवड्याबद्दल सांगायचं झालं तर, शुक्रवारी सिनेमाने 1.25 कोटी रुपयांची कमाई केली तर, शनिवारी – रविवारी सिनेमा 1-60 कोटी आणि 1.90 कोटी रुपयांपर्यंत मजल मारली आहे. प्रदर्शनापासून आतापर्यंत सिनेमाने 138 कोटी 90 लाख रुपयांचा व्यवसाय केला आहे. त्यामुळे येत्या दिवसांत ‘शैतान’ सिनेमा किती कोटी रुपयांची कमाई करेल पाहणं महत्त्वाचं ठरणार आहे…

‘शैतान’ सिनेमाला का होतोय फायदा?

सिनेमाला सर्वात जास्त फायदा स्टारकास्टने केलेल्या प्रमोशनमुळे नाही तर, माऊथ पब्लिसीटीमुळे झाला आहे. सिनेमाची कथा भन्नाट आहे, ज्यामुळे प्रेक्षक सिनेमाला पसंती दर्शवत आहेत. ‘शैतान’ सोबतच अभिनेता सिद्धार्थ मल्होत्रा स्टारर ‘योद्धा’ आणि ‘क्रू’ सिनेमा देखील प्रदर्शित झाला. पण तरी देखील ‘शैतान’ सिनेमाला मोठा फायदा होताना दिसत आहे. सध्या सर्वत्र फक्त आणि फक्त ‘शैतान’ सिनेमाची चर्चा रंगली आहे.